पोखरा । पोखरामा जारी मनुश्री–भिग्नाजित जेटीआई राष्ट्रिय जुनियर टेनिस प्रतियोगितामा सारा पन्त र सभर्णा गुरुङले स्वर्ण जितेका छन् ।
साराले गल्र्स यु–८ प्रतियोगितामा जिवाश्री भट्टराईलाई पराजित गर्दै स्वर्ण जितेकी हुन् । जिवाश्रीले रजतमा चित्त बुझाइन् । सोही उमेर समूहमा केजिया शाक्यले तृतीय तथा जेनोभा शर्माले चौंथो स्थान प्राप्त गरिन् ।
यु–९ गल्र्सतर्फ सभर्णा गुरुङ प्रथम, केजिया शाक्य द्वितीय तथा जिवाश्री भट्टराई तृतीय भए ।
विजयीलाई आयोजक कास्की जिल्ला टेनिस संघका अध्यक्ष लोक गुरुङ, उपाध्यक्ष राजु गुरुङ, सदस्य शान्ति उदास, सल्लाहकार अनिल तुलाचन, कास्की टेनिस अभिभावक संघका अध्यक्ष गौतम उदास, जीवन भट्टराई लगायतले मेडल र प्रमाणपत्र प्रदान गरे ।
ब्वाइज यु–८ तर्फ निर्जल टण्डनलाई पराजित गर्दै आर्यषराज पौडेल फाइनलमा प्रवेश गरेका छन् । त्यस्तै, सुभान केसीलाई पराजित गर्दै नितेश थापाले फाइनलमा स्थान बनाए । यु–१४ ब्वाइज सिंगल्समा राजवीर प्रधान र दर्शिल श्रेष्ठले पनि फाइनलमा स्थान बनाएका छन् । राजवीरले निशा जोशीलाई तथा दर्शिलले सृजन भट्टराईलाई पराजित गरे । यु–९ ब्वाइज सिंगल्सको राउण्ड रोविन लिगमा जीत हासिल गर्दै निश्चल ज्ञवाली, आर्यषराज पौडेल र संघर्ष फोकदार अगाडि बढे । यु–१४ गल्र्स सिंगल्समा प्रशंसा मोक्तान, शिवाली गुरुङ र कर्मिस्था श्रेष्ठले जीत हात पार्दा यु–१२ गल्र्स सिंगल्समा कर्मिस्था श्रेष्ठ, शिवाली गुरुङ, प्राज्ना मानन्धर र स्वस्तिका विष्टले पनि लिग खेलमा जीत हासिल गरेको प्रतियोगिता निर्देशक सूर्यभूषण बज्राचार्यले बताए ।