पोखरा । कास्कीको मादी गाउँपालिका ८, पोशीस्थित दीपज्योति युवा क्लबले चैत ११ देखि १३ सम्म प्रथम सिद्धबाबा कप प्रतियोगिता गर्ने भएको छ ।
‘स्वास्थ्यको लागि खेलकुद, खेलकुदका लागि दीपज्योति युवा क्लब’ नाराका साथ मादी ८ को आर्थिक सहयोगमा प्रतियोगिता हुन लागेको क्लबले जनाएको छ ।
विजेताले ४० हजार, उपविजेताले नगद २५ हजार नगदसहित ट्रफी, मेडल र प्रमाणपत्र पाउने छन् ।
विभिन्न विधामा उत्कृष्ट प्रदर्शन गर्ने खेलाडीलाई ट्रफी तथा मेडलको व्यवस्था गरिएको क्लबले जनाएको छ । प्रतियोगिताका अनुशासित टिमलाई नगद ३ सहित ट्रफी र प्रमाणपत्र, उत्कृष्ट गोलरक्षक, सर्वाधिक गोलकर्ता र उत्कृष्ट डिफेन्सका साथै क्वाटर फाइनलबाट म्यान अफ द म्याच ट्रफी प्रदान गरिने बताइएको छ ।
खेलकुद माध्यमबाट मादी ८ पोशी गाउँलाई पर्यटन प्रवद्र्धन गराउन र युवापुस्तालाई फुटबलप्रति रुचि बढाइ आगामी दिनहरुमा राष्ट्रियस्तरका खेलाडी उत्पादन गर्ने उद्देश्यले प्रतियोगिता आयोजना गरिएको क्लबका अध्यक्ष चुलबहादुर गुरुङले बताए । यसअघि पुस ३० देखि माघ २ सम्म संचालन हुने भनिएको प्रतियोगिता कोभिड जोखिमका कारण स्थगित भएको थियो ।