पोखरा, ७ चैत । स्याङ्जाको हरिनास गाउँपालिका ४ राम्चेमा भएको दोस्रो लालीगुराँस भलिबल कप २०७८ को उपाधि धरादीले जितेको छ।

लालीगुराँस युवा क्लबद्वारा आयोजना गरिएको भलिबल प्रतियोगितामा जनजागरण युवा क्लव गैराखोलालाई पराजित गर्दै धरादीले उपाधि सहित नगद ५५ हजार शिल्ड मेडल र प्रमाणपत्र प्राप्त गरेको हो ।

उपविजेता गैराखोलाले ४० हजार रुपैयाँमा चित्त बुझाउनुप¥यो । प्रतियोगितामा प्रगतीशिल युवा क्लब तृतिय र आयोजक लालीगुराँस युवा क्लब सान्त्वना हुँदै क्रमश २५ हजार र १० हजार रुपैयाँ हात पार्‍याे । फागुपूर्णिमा अवसरमा आयोजना गरिएको साविक वडा स्तरिय पुरूष भलिबल प्रतियोगिताका विजेता खेलाडीहरुलाई क्लब अध्यक्ष मुक्तबहादुर राना, हरिनास गाउँपालिकाका अध्यक्ष खिमनारायण मानन्धर लगायतले पुरस्कार वितरण गरेका थिए ।