हेमजा । नेपाल कम्युनिस्ट पार्टी(माओवादी केन्द्र)अन्नपूर्ण गाउँपालिकाको अध्यक्षमा धर्मबहादुर गुरुङ निर्वाचित भएका छन् । उनले प्रतिस्पर्धी भेषराज पौडेललाई पराजित गरेका हुन् ।
उपाध्यक्ष शोभाखर अधिकारी, हरिमाया तिमिल्सिना (अधिकारी) र इन्द्र भण्डारी, सचिव नवीन गिरी तथा सहसचिव विष्णुप्रसाद अधिकारी चयन भए । कोषाध्यक्षमा यस अघि नै शरणसिंह विक सर्वसम्मत चुनिएका थिए ।
नयाँपुलमा शुक्रबार भएको कार्यक्रमलाई सम्बोधन गर्दै पार्टीका केन्द्रीय सदस्य तथा अन्नपूर्ण गाउँपालिका इन्चार्ज दुर्गा विकले निर्वाचित समितिलाई बधाई दिर्दै आगामी निर्वाचनमा सशक्त भूमिका निर्वाह गर्न आग्रह गरिन् ।
पार्टीका केन्द्रीय समिति प्रतिनिधि बखानसिंह गुरुङ, प्रदेश सदस्य दुर्गा भण्डारी, प्रदेश प्रतिनिधि गोविन्दप्रसाद अधिकारीलगायतले पनि समितिलाई बधाई दिँदै सफल कार्यकालको शुभकामना दिए ।