पोखरा । पोखराका र्‍यापर राजन केसीको ‘म एउटा र्‍यापर’ गीतको म्युजिक भिडियो शनिबार सार्वजनिक भएको छ । र्‍यापर केसीको ‘म’ एल्बमको दोस्रो ट्रयाक ‘म एउटा र्‍यापर’ युट्युबमार्फत सार्वजनिक गरिएको हो ।
काठमाडौंको सेरोफेरोमा छायांकन गरिएको उक्त गीत केसीको आफ्नै अफिसियल युट्युब च्यानल ‘राजन केसी’ मार्फत रिलिज गरिएको छ ।
भिडियोलाई गौरव सिग्देलले कलात्मक शैलीमा छायांकन गरेका छन् । र्‍यापर केसीका यसअघि ‘मेरो देश’, ‘मन्त्रीज्यू नमस्कार’, ‘जेल हाल सरकार’ जस्ता ¥याप गीतहरु आफ्नै अफिसियल युट्युब च्यानलबाट सार्वजनिक गरिसकेका छन् ।