पोखरा । फागु पूर्णिमा अवसरमा एनसेल आजियाटा लि.ले मोबाइल डेटा सबैभन्दा सस्तो बनाउँदै गज्जबको दैनिक जिबी प्याकअन्तर्गत नयाँ डेटा प्याक ल्याएको छ । साथै कम्पनीले दैनिक जिबी डेटा प्याकअन्तर्गत सञ्चालित प्याकमा पनि भोल्युम बढाएको छ ।
ग्राहकले अब करसहित मात्र १ सय २९ रुपैयाँमा ७ जिबी अल टाइम डेटा प्याकको फाइदा लिंदै प्रतिदिन ७ दिनसम्म १ जिबी डेटा प्रयोग गर्न सक्ने जनाइएको छ । त्यसैगरी १४ जिबी अल टाइम डाटा प्याक १ सय ९९ मा लिएर ७ दिनसम्म दैनिक २ जिबी डेटा प्रयोग गर्न सक्छन् ।
यी दुई दैनिक जिबी डेटा प्याकबाहेक एनसेलले आफ्ना ग्राहकका लागि पहिला नै सञ्चालनमा रहेका डेटा प्याकमा डेटा भोल्युम पनि बढाएको छ । यसअन्तर्गत ग्राहकले पहिलेकै मूल्यमा थप भोल्युमसहितको डेटा प्याकबाट फाइदा लिन सक्छन् । भोल्युम बढाइएको डेटा प्याकअन्तर्गत ग्राहकले मात्र १ सय ६९ मा १०.५ जिबी डेटा खरिद गरी दैनिक १.५ जिबी डेटा ७ दिनसम्म प्रयोग गर्न सक्छन् । पहिला यही शुल्कमा ग्राहकले दैनिक १ जिबीका दरले ७ दिनसम्म कुल ७ जीबी पाइरहेका थिए ।
अलि धेरै डेटा भोल्युम चाहिने ग्राहकले अब मात्र २ सय ६९ मा २१ जिबी डेटा हरेक दिन ३ जिबीका दरले ७ दिनसम्म प्रयोग गर्न सक्छन् । यसअघि ग्राहकले सोही मूल्यमा १४ जिबी डेटा हरेक दिन २ जिबीका दरले ७ दिनसम्म पाइरहेका थिए । त्यसैगरी एनसेलका ग्राहकले अबमात्र ५ सय ९९ मा ४२ जिबी डेटाको फाइदा लिन सक्छन् । जसअन्तर्गत ग्राहकले हरेक दिन २८ दिनसम्म १.५ जिबी डेटा प्रयोग गर्न सक्छन् ।
यी नयाँ तथा परिमार्जित प्याकहरु चैत २ बाट सञ्चालनमा ल्याइएका हुन् । प्रिपेड ग्राहकले एष्ट्रिक्स१७१२३एष्ट्रिक्स१ह्यास डायल गरी प्राप्त निर्देशनअनुसार सुचारु गर्न सक्छन् । त्यस्तै ग्राहकले एनसेलको एप तथा वेबसाइटमार्फत पनि ती प्याक खरिद गर्न सक्छन् । दैनिक जिबी डेटा प्याकअन्तर्गत ल्याइएका नयाँ अल टाइम डेटा प्याकहरु र थप गरिएका डेटा भोल्युमले ग्राहकलाई आफ्ना परिवार तथा साथीभाइसँग सुलभ दरमा सम्पर्कमा रहिरहन र फागु पर्वलाई अझै धेरै रमाइलो बनाउँदै खुसीयाली साटासाट गर्न मद्दत गर्ने विश्वास एनसेलले लिएको जनाएको छ ।
Related News
सम्बन्धित समाचार
पोखरामा ‘विज्ञान, प्रविधि र नवप्रवर्तनका क्षेत्रमा देखापरेका प्रवृत्तिहरू’ सम्मेलन
साइबर अपराधविरुद्ध सचेतना
टिकटक बन्द गरे/नगरेकाबारे जवाफ दिन निर्देशन
साइबर सुरक्षासम्बन्धी कार्यशाला
प्रतिबन्ध कार्यान्वयनमा सघाउन आग्रह गर्दै टिकटकलाई प्राधिकरणको जवाफी पत्र
hero news full width
मुख्य समाचार
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१