लमजुङ । लमजुङ र गोरखा प्रथम राइनास कप खुला फुटबल प्रतियोगिताको उपाधि नजिक पुगेका थिए । राइनास नगरपालिका–६ को धमिलिकुवास्थित गौलिटार क्षेत्रीय खेल मैदानमा सञ्चालन भएको उक्त प्रतियोगितामा मंगलबार सेमिफाइनल जित्दै उनीहरु फाइनल पुगेका हुन् ।
पहिलो सेमिफाइनलमा मस्र्याङ्दी युथ क्लब पालुन्टार गोरखा र आयोजक टिमबीच भएको थियो । उक्त खेलमा शून्यका विरुद्ध तीन गोल गरी गोरखा विजयी भएको हो ।
दोस्रो सेमिफाइनलमा चक्रचीर्थ युवा क्लब र बेंसिसहर–७ को जनविकास मावि टिमबीच भएको थियो । खेलमा पेनाल्टी सुटआउटमा चक्रचीर्थ युवा क्लबले ४–२ ले खेल जितेको हो । आयोजक समितिका अध्यक्ष टकेन्द्रनाथ चिलुवालले बुधबधार फाइनल खेल हुनेछ ।
विजेताले १ लाख ५० हजार र उपविजेताले १ लाख साथमा कप, मेडल र प्रमाणपत्र प्राप्त गर्नेछ । सेफिाइनललिस्ट २ टिमले २५ हजार पाउनेछ । अनुशासित टिम, उत्कष्ट गोलरक्षक, सर्वाधिक गोलकर्ता र उत्कृष्ट खेलाडीलाई पुरस्कार स्वरुप १०÷१० हजार नगदसहित प्रमाणपत्र प्रदान गरिनेछ । प्रतियोगितामा १३ टिमले भाग लिएका थिए ।