पोखरा । लोकतान्त्रिक खेलकुद संघ पोखरा महानगर कमिटीमा सञ्जयकुमार अधिकारीको सभापतित्वमा ४१ सदस्यीय कार्यसमिति गठन गरिएको छ ।
समिति उपसभापतिमा सुमन श्रेष्ठ, शिव गुरुङ र बिमल खाँड चयन भएका छन् । सचिव बुद्धिबहादुर खत्री, सहसचिव प्रकाश कार्की र सुशील बास्तोला र कोषाध्यक्षमा अशेष भट्टराई चुनिएका छन् । सदस्यमा महानगरको ३३ वटा वडाबाटै प्रतिनिधित्व हुने गरी राखिएको छ ।
नयाँ कार्यसमितिलाई गण्डकी प्रदेशका कानुन सञ्चार तथा प्रदेशसभा मामिला मन्त्री विन्दुकुमार थापा, नेपाल लोकतान्त्रिक खेलकुद संघका केन्द्रीय सदस्य देवेन्द्रकुमार शेरचन, कास्की जिल्ला सभापति किशोरदत्त बराल लगायतले स्वागत गरेका थिए ।
कार्यक्रममा मन्त्री थापाले समाज रुपान्तरणमा लोकतान्त्रिक खेलकुद संघको भूमिका महत्वपूर्ण रहेको बताए । लोकतान्त्रिक खेलकुद संघ कास्कीले आयोजना गरेको पोखरा महानगरपालिका कमिटी गठन कार्यक्रमलाई उदघाटन गर्दै उहाँले देशको भविष्य अब युवाहरुको काँधमा रहेको उल्लेख गरे ।
कांग्रेस कास्की सभापति किशोरदत्त बरालले खेलाडी परिवर्तनका संवाहक भएको बताउँदै देश निर्माणको चित्र कोर्ने शक्ति युवामा रहेको उल्लेख गरे ।
कास्की कांग्रेसका पूर्वसभापति कृष्ण केसीले लोकतान्त्रिक खेलकुद संघ खेलकुदको मात्र संस्था नभई राजनीतिक तवरले समेत जोडिएको संस्था भएको बताए ।
काँग्रेसनेतृ शारदा पौडेलले लोकतान्त्रिक खेलकुद संघले युवा परिचालित गराई समाज रुपान्तरणको बाटोमा अग्रसरता लिएको बताइन् ।
कांग्रेस पोखरा महानगर सभापति सुरेन्द्रमान बिजुक्छेले भातृसंगठन बलियो भएमात्र कांग्रेस बलियो हुने तर्क गरे । नेपाल लोकतान्त्रिक खेलकुद संघ केन्द्रका सभापति देवेन्द्र शेरचनले लोकतान्त्रिक खेलकुद संघका खेलाडी व्यवस्थापन गर्न नसक्दा विचलित हुने अवस्थाको सिर्जना हुँदै गएको बताए । उनले कांग्रेसका शीर्षनेताले भातृसंगठन संरक्षणमा ध्यान पु¥याउनुपर्ने आवश्यकतालाई औंल्याए ।
अग्रज पत्रकार गंगाधर पराजुलीले जिल्ला खेलकुद विकास समिति र प्रदेश खेलकुद विकास समितिमा काँग्रेसका युवा नपर्नु दुखलाग्दो भएको बताए । कार्यक्रमा नेपाल लोकतान्त्रिक खेलकुद संघ कास्की उपसभापति मिलन गुरुङले स्वागत गरेका थिए ।