नवलपुर । पूर्वी नवलपरासीमा नवलपुुर प्रहरीले ठूलो परिणाममा लागुऔषध गाँजासहित १ जना महिलालाई पक्राउ गरेको छ ।
कावासोती १ रिठ्ठेपानीको तिवारी कटेजमा लागुऔषध गाँजा बिक्री गर्न लागिरहेको अवस्थामा प्रहरीले १ जना महिलालाई ९ किलो गाँजासहित पक्राउ गरेको हो । पक्राउ पर्नेमा कावासोती १ निवासी ४५ वर्षीया माया तिवारी छन् ।
कटेजमा लागुऔषध गाँजा बिक्री वितरण भइरहेको भन्ने सूचनाको आधारमा विशेष टोलीले खानतलासी गर्दा पक्राउ गरेको हो । घटनाको थप अनुसन्धान भइरहेको जिल्ला प्रहरी कार्यालय नवलपुरका प्रहरी नायब उपरीक्षक दिलीपकुमार गिरीले बताए ।