हेमजा । हेमजा युनाइटेडको आयोजनामा आगामी वैशाखमा छैटौं शुभकामना गोल्डकप हुने भएको छ ।
वैशाख १० देखि १७ सम्म हुने उक्त प्रतियोगिताको तयारीबारे आयोजक युनाइटेडले शुक्रवार सरोकारवालासँग अन्तक्र्रिया गरेको छ ।
त्यस अवसरमा एन्फा उपाध्यक्ष तथा वरिष्ठ फुटबल प्रशिक्षक कृष्ण थापा, एन्फा कास्की महासचिव रमेश कार्की, वडा सदस्य दलबहादुर कुँवर तथा राजनीतिक व्यक्तित्व रामचन्द्र त्रिपाठी, ऋषिराम पौडेल, मधुसुदन त्रिपाठी, दानबहादुर थापा, युवा सुधीरजंग थापा लगायतले धारणा राख्दै प्रतियोगितालाई व्यवस्थित गर्नुपर्नेमा जोड दिए ।
संस्थाका अध्यक्ष इन्द्रबहादुर कुँवरले सबैको सहयोगबाट कप सम्पन्न हुने विश्वास व्यक्त गरे । सचिव सुनिल गायकले ‘युवा एकता र विकासका लागि खेलकुद’ भन्ने नाराका साथ प्रतियोगिता सम्पन्न गर्न लागिएको जानकारी दिए ।
प्रतियोगितामा ए डिभिजन लिगमा आबद्घ तथा गण्डकी प्रदेशका विभिन्न क्लब गरी कुल ८ टिमको सहभागिता रहनेछ । विजेताले ५ लाख, उपविजेताले २ लाख ५० हजार साथमा ट्रफी, मेडल र प्रमाणपत्र पुरस्कार पाउने छन् ।
खेल गौरीशंकर खेल मैदान(गैरी) मा प्रतियोगिता हुनेछ ।