पोखरा । स्कोडाको सुविधा सम्पन्न शोरुम पोखराको नयाँबजारमा सञ्चालनमा आएको छ । युरोपियन लिडिङ ब्रान्ड स्कोडा गाडीको आधिकारिक आयातकर्ता एमएडब्लु इन्टरप्राइजले हालै पोखरामा आफ्नो गाडी बिक्रीका लागि एसएसएल मोटर्सलाई डिलर नियुक्त गरेको हो ।
नेपालमा स्कोडा गाडी सन् २००८ देखि एमएडब्लु इन्टरप्राइजेजले उपलब्ध गराउँदै आएको छ । यससँगै कम्पनीले नेपाली बजारमा युरोपियन कम्पनीको गाडी सर्वसुलभ बनाएको छ । कम्पनीले आफ्ना डिलर प्लानअन्तर्गत नेपालभर नेटवर्क विस्तार एवं स्थापना गर्ने क्रममा पोखरामा पनि युरोपियन स्ट्यान्डर्डको सोरुम स्थापना गरेको हो ।
नाडा अटोमोबाइल एसोसिएसन अध्यक्ष ध्रुव थापा र एमएडब्लुका कार्यकारी निर्देशक रोनक अग्रवालले सोरुम र वर्कसपको संयुक्त रुपमा उद्घाटन गरे । गाडीको व्यवसायमा सेल्ससँगै सर्भिसमा पनि जोड दिनुपर्ने थापाले बताए । युरोपियन ब्रान्ड भएकाले स्कोडा राम्रो गाडी भएको उनले बताए ।
पश्चिममाञ्चल अटोमोबाइल डिलर्स एसोसिएसन अध्यक्ष मोहनबाबु खड्काले स्कोडाले छोटो समयमा नै नेपालमा स्कोडा गाडीप्रति ग्राहकको आकर्षण बढेको बताए । ग्राहकमुखी सेवाप्रति प्रतिबद्ध रहँदै कम्पनीले बिक्रीपछिको सेवालाई प्राथमिकतामा राखेको जनाएको छ । पोखरामा सोरुम उद्घाटन अवसरमा मंगलबार र बुधबार स्पेसल टेस्ट ड्राइभ कार्यक्रम व्यवस्था रहेको एसएसएल मोटर्सका प्रबन्ध निर्देशक सूर्य बरालले जानकारी दिए ।
यसैबीच, एमएडब्लु इन्टरप्राइजले स्कोडा गाडी खरिदमा सहज फाइनान्स स्किम ल्याएको छ । जसअन्तर्गत १० लाख रुपैयाँ डाउनपेमेन्ट गरेर नै खरिद गर्न सकिने भएको छ । तरलता अभावको वर्तमान समयलाई मध्यनजर गर्दै कम्पनीले यो अफर ल्याएको हो । स्कोडा मन पराउने ग्राहक यो अफरबाट प्रत्यक्षरुपमा लाभान्वित हुने विश्वास कम्पनीले लिएको छ ।