पोखरा । नेकपा (माओवादी केन्द्र) को केन्द्रीय समितिमा ९७ जना मनोनित भएका छन् । सोमबार बसेको केन्द्रीय समितिको बैठकमा अध्यक्ष पुष्पकमल दाहाले केन्द्रीय समितिमा थप गर्ने ९७ जनाको नाम प्रस्ताव गरेका हुन्।

ती नाममाथि केन्द्रीय समितिमा छलफल भइरहेको छ । प्रचण्डले प्रस्ताव केन्द्रीय सदस्यमा प्रचण्डकी छोरी गंगा दाहाल, ज्वाईं जीवन आचार्य समेत छन् । त्यस्तै वाईसीएलका अध्यक्ष सुमन देवकोटा, प्रचण्डका स्वकीय सचिव रमेश मल्ल पनि केन्द्रीय सदस्यमा मनोनित भएको माओवादी केन्द्रले जनाएको छ ।

यसअघि, पार्टीको गत पुसमा भएको महाधिवेशनबाट २ सय ४७ जना केन्द्रीय सदस्य निर्वाचित भएका थिए।