पोखरा । नेपाल युवा रेडक्रस सर्कल पोखरा २६ ले मानसिक बिरामी विशााल परियारलाई आर्थिक सहयोग गरेको छ । शनिबार नेपाल जुनियर युवा दिवसको अवसर पारेर परियारको परिवारलाई २१ हजार १ सय सहयोग गरिएको हो । बिरामी विशाल अहिले पोखराको बि जी अस्पतालमा उपचाररत छन् परियारको पारिवारिक अवस्था निकै नै कमजोर आर्थिक अवस्थामा रहेकोले रकम हस्तान्तरण गरिएको छ ।
कार्यक्रममा सहयोग हस्तान्तरण गर्दै नेपाल रेडक्रस सोसाइटी कास्की शाखाकी उप मन्त्री उर्मिला खड्काले रेडक्रस विशुद्व मानवीय सेवा भावले काम गर्ने सहयोगी संस्था हो, यसले आपत् विपत, समस्यामा परेको हरेक कोही पनि मानव समुदायमा अग्रसर रहने संस्था भएकोले सबैले हरेक ठाउँ बाट सहयोग गर्नुपर्ने बताए । नेपाल युवा रेडक्रस सर्कल पोखरा २६ का अध्यक्ष विकास रानाभाटको अध्यक्षतामा भएको कार्यक्रममा नेरेसो पोखरा उप शाखाका सभापति शैलेन्द्रमोहन भट्टराई, उपशाखाका सचिव दीपकनाथ भण्डारी, उपशाखाका निवर्तमान सचिव एलपी ढुंगाना, युवा सर्कलका निवर्तमान अध्यक्ष सन्दीप ढुंगाना, कार्यक्रम संयोजक सुशील ढुंगाना लगायतले बोलेका थिए । कार्यक्रममा उपाध्यक्ष सूर्यचन्द्र राजभाटले स्वागत र सचिव तृप्ति भण्डारी सञ्चालन गरेका थिए ।