पोखरा । जनप्रिय मावि, पोखरा ८ सिमलचौरमा पूर्व विद्यार्थीहरुको साधारण सभा तथा अधिवेशनले सरोजनारायण बरालको अध्यक्षतामा १५ सदस्यीय नयाँ कार्यसमिति चयन गरेको छ । समितिको उपाध्यक्ष केशवबहादुर थापा, महासचिव धीरज थापा, सचिव गणेश चालिसे, कोषाध्यक्ष प्रतिमा पोखरेल तथा सह–कोषाध्यक्ष सागर पौडेल चयन भए । सदस्यहरु रामप्रसाद मुल्मी, जमुना गुरुङ, शिला सिग्देल, लक्ष्मी भण्डारी, किरण ढकाल, कृष्णहरि सिग्देल, लुना थापा, विनोदकुमार शर्मा र राशेक श्रेष्ठ चयन भए ।
यसअघि अधिवेशनको उद्घाटन गर्दै कार्यक्रमका प्रमुख अतिथि वडा नम्बर ८ का वडाध्यक्ष रुद्रनाथ बरालले विद्यालयको सर्वागीण विकासमा वडाको सधैं साथ रहने भन्दै आगामी दिनहरुमा अझै स्तरीय शैक्षिक पठनपाठनको लागि पूर्व विद्यार्थीहरुको महत्वपूर्ण भूमिका रहनेमा जोड दिए ।
कार्यक्रममा विशेष अतिथि विद्यालय व्यवस्थापन समितिका अध्यक्ष राजकुमार गिरी, प्रधानाध्यापक देवीप्रसाद बस्ताकोटी, जनप्रिय बहुमुखी क्याम्पसका नि.क्याम्पस प्रमुख कृष्णबाबु बराल लगायतले शुभ–कामना मन्तव्य राखेका थिए । समितिका अध्यक्ष सरोजनारायण बरालको अध्यक्षतामा भएको कार्यक्रममा सदस्य शिला सिग्देलले स्वागत तथा महासचिव रामेश्वर बरालले कार्यक्रम सञ्चालन गरेका थिए ।