पोखरा । महिन्द्रा फोरव्हीलरको नेपालका लागि एकमात्र अधिकृत बिक्रेता अग्नि समूहको सहायक कम्पनी बालाजु अटो वर्कसले देशव्यापी महिन्द्रा केयर फेस्ट आयोजना गर्ने भएको छ । उसले फागुन २२ देखि २७ सम्म देशव्यापी महिन्द्रा केयर फेस्ट आयोजना गर्न लागेको हो ।
यस ४५–पोइन्ट चेकअप क्याम्पमा फ्रि लेबर चार्ज, फ्रि हेल्थ चेकअप, लुब्रिकेन्ट्स र स्पेयर पार्टसमा १० प्रतिशत छुट तथा एक्सेसरीजमा २५ प्रशितसम्म छुटको लाभ लिन सकिने जनाइएको छ ।
महिन्द्राका ग्राहकवर्गले नेपालभर रहेका महिन्द्राका आधिकारिक सर्भिस सेन्टरमा गई यस केयर फेस्टमा सहभागी हुन सक्ने जनाइएको छ । महिन्द्राले आफ्ना सेवाग्राहीलाई थप सेवासुविधा प्रदान गर्ने उद्देश्य साथ हरेक वर्ष आयोजना गर्दै आएको केयर फेस्टमा यस पटक पनि ग्राहकको उल्लासमय सहभागिता रहने अपेक्षा गरेको छ ।