पोखरा । नेपाल आयल निगमले पेट्रोल, डिजेल र मट्टितेलको मूल्य प्रतिलिटर ५ रुपैयाँ बढाउने निर्णय गरेको छ । यससँगै पेट्रोलको मूल्य प्रतिलिटर १ सय ५० रुपैयाँ पुगेको छ भने डिजेल र मट्टितेल प्रतिलिटर १ सय ३३ रुपैयाँ पुगेको छ ।
अन्तर्राष्ट्रिय बजारमा कच्चा तेलको मूल्यमा भारी बढोत्तरी भइरहेको सन्दर्भमा निगमलाई प्राप्त मूल्यसूची आधारमा हाल प्रचलनमा रहेको पेट्रोलियम पदार्थको स्वचालित मूल्य प्रणालीअनुसार वृद्धि गरिएको निगमको दाबी छ ।
निगमका सहप्रवक्ता पुष्कर कार्कीले निगमलाई एलपी ग्यासमा समेत प्रति सिलिन्डर ६ सय ६५.३४ रुपैयाँ घाटा भए पनि बिक्री मूल्य बढाइएको छैन । तर, हवाइ इन्धनमा भने केही मूल्य समायोजन गरिएको छ ।