लेखनाथ । महाशिवरात्रि अवसरमा जटाशंकर धार्मिक विकास समिति, पोखरा २६ ले सिलिंगेमा १२ औं शिवरात्री मेला गरेको छ ।
मेला उद्घाटन गर्दै अपरमादी हाइड्रो पावरका निर्देशक पुष्पज्योति ढुंगानाले युवामा पनि धार्मिक भावना र धर्मको महत्वका बारेका जानकारी गराउन यसप्रकारका मेला तथा महोत्सवले सहयोग पुग्ने धारणा व्यक्त गरेका थिए ।
भगवती हाइड्रोपावरका निर्देशक वसन्तमोहन भट्टराईले धर्मको भावले स्थानीयस्तरको विकास निर्माणका कामलाई सहयोग पुग्नेमा जोड दिए ।
आयोजक समिति अध्यक्ष युवापण्डित रामप्रसाद सिग्देलको अध्यक्षतामा भएको कार्यक्रममा पोखरा २६ का वडा सदस्य खड्कबहादुर रानाभाट, लेखनाथ खानेपानी उपभोक्ता समिति अध्यक्ष मुरारी शर्मा, निवर्तमान अध्यक्ष विष्णु बराल, सिलिंगे कृषि सहकारी अध्यक्ष ठाकुरप्रसाद रानाभाट, स्थानीय युवा विकास अधिकारी, मेघराज भण्डारी, विष्णु अधिकारी, भद्रकाली धार्मिक विकास समिति अध्यक्ष यज्ञमान श्रेष्ठ, मुक्तिनाथ विकास बैक लेखनाथ शाखा प्रमुख रामचन्द्र रानाभाट लगायतले बोलेका थिए । सो अवसरमा फुटसल लगायत विभिन्न खेल प्रतियोगिता, भजन, कन्सर्ट, महाआरति, नृत्य, धार्मिक प्रवचन लगायत गरिएको थियो ।