पोखरा । सुर्खेतको वीरेन्द्रनगरमा कर्फ्युआदेश लगाइएको छ । सोमबार बन्दकर्ताहरूले सुर्खेतस्थित नेकपा एमाले, माओवादी केन्द्र र कांग्रेसको पार्टी कार्यालयमा आगजनी र तोडफोड गरेपछि जिल्ला प्रशासन कार्यालयले सोमबार राति सवा ८ देखि मंगलबार साँझ ७ सम्म कफ्र्यु आदेश जारी गरेको हो ।
एमसिसी पारित भएको विषयलाई लिएर सोमबार बिहानदेखि उत्तेजित भीडले तोडफोड, आगजनीका साथै धनजनको क्षति गर्ने प्रयास गरेको भन्दै सो आदेश जारी गरिएको प्रशासनले जनाएको छ ।
जिल्ला सुरक्षा समितिको बैठकले थानीय प्रशासन ऐन (संसोधनसहित) २०२८ को दफा ६ (क) बमोजिम कर्फ्यु लगाउने निर्णय गरेको प्रमुख जिल्ला अधिकारी खगेन्द्रप्रसाद रिजालले बताए । कर्फ्यु पूर्वमा धुलियाबिट, पश्चिममा बांगेसिमलसहित उत्तरमा वीरेन्द्रनगर नगरपालिका–७ र दक्षिणमा लाटिकोइली शिवमन्दिर हुँदै काँक्रेविहार, देउतीबज्यै एवं सुब्बाकुनासम्म लागु हुनेछ ।
एमसिसी संसदबाट पास भएको अनुमोदनको विरोधमा नेपाल बन्दको आह्वान गरेका ८ दलका कार्यकर्ताले सोमबार साँझ वीरेन्द्रनगर–६ स्थित नेकपा एमालेको पार्टी कार्यालयमा आगजनी गरेका हुन् ।