पोखरा । रेवान पोखरा भेट्रान्स टेनिस प्रतियोगिता–२०७८ अन्तर्गत सिनियर भेट्रान्सको उपाधि राजन पौडेलले जितेका छन् । पोखरा रंगशालामा आइतबार फाइनलमा गोपीबहादुर भट्टराईलाई ६–७, ६–२ र सुपरटाईमा १०–५ ले पराजित गर्दै उनले उपाधि जितेका हुन् ।
कास्की जिल्ला टेनिस संघको आयोजना तथा रेवान पोखराको मुख्य प्रायोजनमा भएको सिनियर भेट्रान्स डबल्सतर्फ गोपीबहादुर भट्टराई र धरमबहादुर लामिछाने प्रथम भए ।
फाइनलमामा गोपी÷धरम जोडीले नवीन श्रेष्ठ र राजु गुरुङको जोडीमाथि ६–३, ६–२ को नजिता निकाल्दै उपाधि चुम्न सफल भएका हुन् । प्रतियोगिताको नवप्रवेशितर्फको उपाधि भीष्मराज पौडेलले जित्दा राजेश गुरुङले दोश्रो स्थानमा चित्त बुझाए ।
खुला एकलतर्फका विजेताले १५ हजार तथा दोस्रोले ७ हजार ५ सयसहित ट्रफी पुरस्कार प्राप्त गरे । डबल्सतर्फ विजेताले १० हजार तथा उपविजेताले ५ हजारसहित ट्रफी, पुरस्कार प्राप्त गरे । नवप्रवेशितर्फका विजेता र उपविजेताले ट्रफी पुरस्कार प्राप्त गरेका छन् ।
विजयीलाई कास्की जिल्ला खेलकुद विकास समिति अध्यक्ष तोरणबहादुर बानियाँ, पुरस्कार प्रायोजक विकास गुरुङ, नेपाल टेनिस संघ उपाध्यक्ष विनोद कायस्थ लगायतले पुरस्कार वितरण गरे ।
कार्यक्रममा जिल्ला खेलकुद विकास समिति अध्यक्ष बानियाँले कास्कीमा टेनिस खेलले ठूलै सफलता हासिल गरिसकेकोमा खुसी व्यक्त गरे । उनले प्रतियोगितामा पुरस्कार राशि स्वरुप २० हजार तथा बन्न लागेको टेनिस कोर्ट निर्माणमा २५ हजार नगद सहयोग गर्ने घोषणा गरे ।
मुख्य प्रायोजक रेवान पोखरा अध्यक्ष लक्ष्मण बरालले पोखरामा आयोजना हुने टेनिसका राष्ट्रिय तथा अन्तर्राष्ट्रिय प्रतियोगिताले यहाँ खेल पर्यटनको विकासमा ठूलो टेवा पु¥याएको औंल्याए । आयोजक संघ अध्यक्ष लोक गुरुङको अध्यक्षतामा भएको कार्यक्रम सचिव नवीन श्रेष्ठले सञ्चालन गरेका थिए ।