पोखरा । कास्की प्रहरीले लागु औषध एक जना युवकलाई पक्राउ गरेको छ । पक्राउ पर्नेमा म्याग्दीको रघुगंगा गाउँपालिका वडा ७, चिमखोला घर भइ हाल पोखरा १०,रक्षामार्ग बस्ने २१ वर्षीय सन्दीप पुन हुन।
लागु औषध नियन्त्रण ब्यूरो शाखा कार्यालय पोखरा र जिल्ला प्रहरी कार्यालय कास्कीबाट खटिएको प्रहरी टोलीले बुधबार उनलाई पोखराको रक्षामार्गबाट नियन्त्रणमा लिएको हो ।
निजको साथबाट प्रहरीले लागु औषध डाइजोपाम ७५ एम्पुल, फेनेरागन ७५ एम्पुल र नुर्फिन ७५ एम्पुल गरी कुल २ सय २५ एम्पुल लागु औषधसहित फेला पारेको थियो । प्रहरीले कास्की जिल्ला अदालतबाट लागु औषधसम्बन्धी मुद्दामा ७ म्याद थप गरी अनुसन्धान प्रक्रिया अगाडि बढाइएको जनाएको छ ।