लेखनाथ । लेखनाथ उद्योग वाणिज्य संघबाट आयोजित १७ औं लेखनाथ महोत्सव सफल बनाउन गठित कार्यसम्पादन समिति एवं विभिन्न उपसमितिका संयोजकको बैठक आइतबार संघको सभाकक्षमा भएको छ ।
महोत्सव मूल समारोह समिति निर्देशक एवं नेउवा महासंघ केन्द्रीय सदस्य बाबुराम गिरीले वर्तमान अवस्थामा विद्यमान चुनौतीको सामना गर्दै सबैको आँट तथा हौसलाबाट नै महोत्सव सफल हुने हुँदा सबै एक भएर अगाडि बढ्न सुझाव दिए । महोत्सवका लागि गठन गरिएका ५४ वटा उपसमितिमध्ये उपस्थित अधिकांश संयोजकहरुले छोटो समयमा महोत्सव सम्पन्न गर्नुपर्ने भएकोले उपसमितिले महोत्सवको तयारीबारे प्रगति विवरण जानकारी दिए ।
संघका अध्यक्ष एवं महोत्सव आयोजक मूल समारोह समति संयोजक छत्रधर ओत्रयको अध्यक्षतामा कार्यक्रम भएको थियो ।