पोखरा । नेपाली कांग्रेस पोखरा १ को आयोजनामा नेपाल दलित संघ वडा इकाइ गठन तथा प्रशिक्षण कार्यक्रम भएको छ । गण्डकी प्रदेश सरकारका आन्तरिक मामिला मन्त्री डोबाटे विश्वकर्माले कार्यक्रमको उद्घाटन गरे । उनले नेपाली कांग्रेस पार्टीले दलित समुदायका नेता तथा कार्यकर्तालाई स्थापनाकालदेखि नै केन्द्रीय समितिमा समेत स्थान दिँदै आएको प्रसंग उल्लेख गर्दै चौधों महाधिवेशनबाट यो कुरा स्पष्ट भइसकेको बताए । जनतालाई प्रत्यक्ष अनुभूति हुने गरी शान्ति सुरक्षा प्रदान गर्ने आफ्नो लक्ष्य रहेको र यसको लागि आवश्यक सबै कदम चाल्न आफू तयार रहेको उनको भनाइ थियो । दलित समुदाय र नेपाली काग्रेसको सम्बन्ध नङ र मासुको जस्तो हो भन्दै पार्टीले हरेक वर्गलाई समान व्यवहार गरेकोसमेत दाबी गरे । कांगे्रस नेता रामचन्द्र त्रिपाठीले कार्यकर्तालाई प्रशिक्षण दिएका थिए ।
नेपाल दलित संघ वडा इकाइ समितिको नव गठित कार्यसमितिको अध्यक्ष राजेन्द्र सुनार, उपाध्यक्ष माया विश्वकर्मा, सचिव दीपेन्द्र सुनार र सहसचिव सिर्जना नेपाली र सदस्यहरु नमूना नेपाली, सागर विश्वकर्मा, शिव सुनार, अञ्जु सुनार, सुनीता कुँवर नेपाली चयन भए । कोषाध्यक्षका पद भने हाल खाली राखिएको छ ।
कार्यक्रममा प्रदेश सदस्यहरु सीता गुरुङ, विष्णुमाया परियार, दलित संघ जिल्ला कार्यसमितिका अध्यक्ष दुर्गाबहादुर सुनार, नेतृ सरस्वती गुरुङ लगायतलेसमेत मन्तव्य राखेका थिए । नेपाली कांग्रेस वडा इकाई समिति अध्यक्ष अमृतलाल श्रेष्ठको अध्यक्षतामा भएको कार्यक्रम सञ्चालन गोविन्द नेपाली र स्वागत कार्यक्रम संयोजक तथा पार्टीका जिल्ला कार्यसमितिका सदस्य मनबहादुर लामगादेले गरेका थिए ।