पोखरा । पतञ्जली योग समिति गण्डकी प्रदेश, कास्की जिल्ला समिति, महिला योग समिति कास्कीको आयोजनामा सहशिक्षक तालिममा सहभागीलाई शुक्रबार प्रमाणपत्र प्रदान गरिएको छ ।
पतञ्जली योग समिति कास्कीकी पूर्व महामन्त्री तथा गण्डकी प्रदेश सांसद मीना गुरुङले सहभागीलाई प्रमाणपत्र वितरण गर्दैै योगको बारेमा चर्चा गर्नुका साथै विभिन्न रोगसँग लड्न आफू पनि नियमित योथ गरिरहेको बताइन् । उनले सबैलाई योगको साथै भान्सामा पाइने जडिबुटीलाई घरेलु उपचारका रुपमा प्रयोग गर्न सुझाव दिइन् ।
गण्डकी प्रदेश संरक्षक लोकदर्शन कोइरालाले योगले जुनसुकै रोग निवारण गर्न सहयोग गर्ने भएकाले जुनसुकै उमेर समूहका व्यक्तिले नियमित योग गर्नुपर्ने बताए ।
कास्की जिल्ला अध्यक्ष कृष्णप्रसाद पौडेल तथा महिला योग समिति अध्यक्ष उर्मिला तुलाचनले आफूले साधना गर्दै अरुलाई पनि योगमा जोड्छौं, तबमात्र प्रमाणपत्र प्राप्त गरेको औचित्य पुष्टि हुने उल्लेख गरे ।
कोभिड जोखिमका कारण जुममार्फत् योग समिति केन्द्रीय समितिबाट गरिएको योग प्रशिक्षण तालिममा काठमाडांै, लमजुङ, पर्वत, तनहुँ, स्याङ्जाबाट गरी योग प्रशिक्षणमा १ सय जना सहभागी थिए ।
पतञ्जली योग समिति गण्डकी प्रदेश प्रभारी नरेन्द्रमान लालचनको अध्यक्षतामा भएको कार्यक्रम कास्कीका महामन्त्री प्रकाश बास्तोलाले सञ्चालन गरेका थिए ।