हेमजा । राष्ट्रिय प्रजातन्त्र पार्टी (राप्रपा) ले पोखरामा आमसभा गर्ने भएको छ । राप्रपा कास्कीको आयोजनामा फागुन ७ गते शनिबार आमसभा हुने भएको हो ।
चिप्लेढुंगामा बृहत् आमसभा गर्ने तयारी गरेको राप्रपा कास्कीले बिहीबार पत्रकार सम्मेलन गरेर जानकारी दिएको हो ।
आमसभा अघि पृथ्वीचोकबाट र्‍याली निकालिने राप्रपा कास्की अध्यक्ष नारायण गुरुङले जानकारी दिए । र्‍याली सभागृहचोक, न्यूरोड हुँदै चिप्लेढुङगा स्थित मानवअधिकार चोकमा पुगेर सभामा परिणत हुनेछ ।
उक्त आमसभालाई राप्रपा अध्यक्ष राजेन्द्र लिङ्देन, वरिष्ठ नेता तथा निवर्तमान अध्यक्ष डा. प्रकाशचन्द्र लोहनी, उपाध्यक्षद्वय विक्रम पाण्डे र हेमजंग गुरुङ, धार्मिक भ्रष्टाचारविरुद्धका अभियन्ता पुष्पराज, ज्ञानेन्द्र शाही, अभिषेक जोशी लगायतले सम्बोधन गर्ने छन् ।