पोखरा । नेपाली कांग्रेस गण्डकी कोषाध्यक्षमा वसन्तकुमार श्रेष्ठ मनोनीत भएका छन् । यस्तै कार्यसमितिमा १३ जना सदस्य मनोनीत भएका छन् ।
पार्टीका प्रदेश सभापति शुक्रराज शर्माले राखेको सदस्य मनोनयनको प्रस्ताव समितिको बुधबारको बैठकले पारित गरेको हो । कोषाध्यक्षमा मनोनीत श्रेष्ठ बागलुङका हुन् ।
सदस्यमा मनोनीत हुनेहरुमा तनहुँकी तारा श्रेष्ठ, गोरखाकी रविकला खनाल, म्याग्दीकी अमृता बानियाँ, पर्वतका रामकृष्ण मल्ल, मनाङका चिन्तबहादुर घले, नवलपुरका द्रोणवन सन्यासी, कास्कीकी संज्ञा पोखरेल, तनहुँका अमृत विक, कास्कीका नारायण बराल, बागलुङकी शकुन्तला शर्मा, स्याङ्जाका ध्रुव शर्मा पंगेनी, कास्कीका देवेन्द्र केसी र मुस्ताङका योगेश गौचन थकाली हुन् ।
यसैगरी, बैठकले ३४ सदस्यीय कार्यसम्पादन समिति समेत गठन गरेको छ । सभापतिमा शुक्रराज शर्मा सहित उपसभापति कल्पना तिवारी र मेखलाल श्रेष्ठ, महामन्त्रीद्वय विष्णुप्रसाद लामिछाने र किरणबाबु श्रेष्ठ, सहमहामन्त्रीद्वय कोपिला रानाभाट र रामचन्द्र जोशी, कोषाध्यक्ष वसन्तकुमार श्रेष्ठ, प्रवक्ता मधु बास्तोला लगायत छन् ।
समितिमा अर्जुन जोशी, पूर्णबहादुर दाहाल, लक्ष्मी आचार्य, शान्तिरमण वाग्ले, अर्जुन शेरचन, शोभा अधिकारी, सरिता गुरुङ, सीता गुरुङ, प्रकाशचन्द्र दवाडी, सुरज गुरुङ, सीताकुमारी काफ्ले लामिछाने, सीता कुँवर, कविता तिवारी, योगेश गौचन, अजित क्षेत्री, अमृत नेपाली, विमला गौचन, छुपिमाया गुरुङ, ईन्द्रबहादुर महतो, माया राना, अशोक बस्ताकोटी, चिन्तबहादुर घले, ध्रुव शर्मा पंगेनी र पार्वती आचार्य रहेको कार्यालय प्रमुख प्रकाश बरालले बताए ।