पोखरा । लायन्स क्लब अफ पोखरा क्लिन फिस्टेल सिटीले राधाकृष्ण वृद्धाश्रम, पोखरा–३२ मा खाद्यान्न वितरण गरेको छ।

लायन्स क्लब अफ पोखरा फिस्टेल सिटीका अध्यक्ष ओम गौचनको प्रमुख आतिथ्यमा भएको कार्यक्रममा लायन्स जोन ३१ का जोन चेयरपर्सन श्यामबहादुर श्रेष्ठ, नेपाली कांग्रेस कास्कीका उपसभापति रामबावु भण्डारी, क्लब निर्देशक गिरीराज गौतम, निर्देशक एसपी मोहन भुजेल, प्रथम उपाध्यक्ष खेमबहादुर गुरुङ, क्लबका तृतीय उपाध्यक्ष विजया सापकोटा, कोषाध्यक्ष मीरादेवी आचार्य, सहकोषाध्यक्ष भरत थापा, मेम्बरसिप चेयरपर्सन इ. विष्णुप्रसाद पौडेल, सदस्य कुमार कार्कीलगायतले बोलेका थिए । वृद्धाश्रमका अध्यक्ष प्रेम लिगलले सहयोगप्रति आभार प्रकट गरे ।

अध्यक्षको आसनबाट क्लब अध्यक्ष ऋषिराम सापकोटाले कार्यक्रममा सहयोग गर्ने क्लबका सम्पूर्ण मेम्बरलाई धन्यवाद दिंदै वृद्धाश्रममा आश्रित ज्येष्ठ नागरिकलाई सहयोग पुगोस् भनी ५० हजारको अक्षयकोषको घोषणा गरे ।

कार्यक्रमको संचालन क्लब सहसचिव पुष्प तिमिल्सिनाले गरेका थिए।