नवलपुर । पूर्वी नवलपरासीको मध्यविन्दु नगरपालिका १३ मा पर्ने मैनाघाट कोटथर बाटो स्तर उन्नतिको नाममा असंख्य रुखहरु काटिएको पाइएको छ । मध्यविन्दु नगरपालिकाको आर्थिक सहयोगमा बाटो स्तर उन्नति सुरु गरिएको हो ।
मध्यविन्दु नगरपालिका १३ अन्तरगतको बाटो निर्माण उपभोक्ता समिति र उक्त क्षेत्रका सामुदायिक वनले घटनाको जिम्मा लिएको छैन । राष्ट्रिय वनअन्तर्गत पर्ने उक्त वनबाट काटिए राखिएको अवस्थामा १९ गाडी साना ठूला काठका गोलियाहरु बरामद गरी सब डिभिजन वन कार्यालय चोरमारामा ल्याएर राखिएको सब डिभिजन वन कार्यालय चोरमाराका अधिकृत सन्तोष मिश्रले बताए ।
डिभिजन वन कार्यालय नवलपुरका प्रमुख मोहनराज काफ्लेका अनुसार बरामद काठ वन कार्यालयले नियन्त्रणमा लिएर राखेको छ ।
वन कार्यालयले सब डिभिजन वन कार्यालय चोरमाराका प्रमुख दुर्गादत्त कँडेललाई अनुसन्धान अधिकृत नै तोकेर छानबिन समितिसमेत बनाएको छ ।