स्याङ्जा । स्याङ्जाको बाड्खोला मुस्लिम समाज पुतलीबजार नगरपालिका–३ ले फेदीखोलामा रहेको अमोस सेवा नेपालमा रहेका २७ बालबालिकाहरुलाई शैक्षिक सामग्री, खाद्यान्न र नगद हस्तान्तरण गरेको छ । शैक्षिक सामग्री हस्तान्तरण गर्दै स्याङ्जा बाड्खोला मुस्लिम समाजका अध्यक्ष सैदुदिन मियाँले अनाथ बालबालिकाहरुलाई र गरिब दिन दुखी बालबालिकाहरुलाई खुलेर सहयोग गर्नुपर्ने बताए । उनले ईस्लाम धर्मले नै गरिब जेहन्दार बालबालिकाहरुलाई अनिवार्य रुपमा सहयोग गर्नुपर्ने बताए अनुरुप सहयोग गरिएको जानकारी दिए । सहयोग हस्तान्तरण कार्यक्रममा पुतलीबजार नगरपालिका–३ का वडा सदस्य अली मोहम्मद र नुरी ईस्लामिक विद्यालय पुतलीबजार नगरपालिका–३ का अध्यक्ष अली मियाँ मुमु लगायतले बोेलेका थिए । शैक्षिक सामग्री ग्रहण गर्दै अमोर सेवा नेपाल बालगृहकी अध्यक्ष कमला पराजुलीले सहयोगी हात स्याङ्जा बाड्खोला मुस्लिम समाजलाई धन्यवाद व्यक्त गरे । कार्यक्रम सञ्चालन सचिव इकबाल अलीले गरेका थिए । लामो समयदेखि छिमेकी जिल्लाहरुमा समेत सहयोग उपलब्ध गराएको स्याङ्जा बाड्खोला मुस्लिम समाजले जनाएको छ । मुस्लिम समाजले आउने पिँढीलाई असल चरित्र निर्माणका लागि जानकारीसहित विभिन्न सचेतना मुलक कार्यक्रमहरुको आयोजना गरेको नुरी ईस्लामिक विद्यालयका अध्यक्ष अली मियाँ मुमुले बताए ।