पोखरा । पोखरा २६ स्थित तालबेंसीको कृषि सञ्जालको आयोजनामा सञ्चालित आधारभूत मौरीपालन तालिम समापन भएको छ । ३ दिनसम्म चलेको तालिममा २४ जना सहभागी थिए । स्थानीय मिलिजुली ताजा तरकारी किसान समूह र औला खोर ढले पीपल किसान समूहका सदस्यले लाभ लिएको सञ्जालका संयोजक धर्मदत्त पौडेलले बताए ।
पोखरा २६ का अध्यक्ष नारायणप्रसाद बरालले तालिमको समापन गर्दै तालिमबाट सिकेका कुरा आफ्नो घर परिवारसहित आफ्नो टोलमा समेत सिकाउन आग्रह गरे । सञ्जालका संयोजक धर्मदत्त पौडेलको अध्यक्षतामा भएको कार्यक्रममा गार्डेन सिटी बि फार्मिङका प्रोपाइटर टेकमान गुरुङ, सञ्जालका सदस्य बद्रीनाथ भण्डारीलगायतले बालेको प्रशिक्षक मिलन गुरुङले बताए ।
तालिममा सहभागीहरुलाई दाताराम चापागार्इं, कमलबहादुर रानामगर, मीलन गुरुङ, मञ्जु पौडेल, गोमा बरालले प्रशिक्षण दिएका थिए । उक्त सञ्जालबाट ५० प्रतिशत सहुलियतमा मौरी घारसमेत वितरण गरिएको मीलन गुरुङले जनाए ।