पोखरा । बाराही बेकरीको तेस्रो शाखा पोखरा ११ फूलबारीस्थित मनिपालमा सञ्चालन भएको छ । ७० लाख लगानीमा सञ्चालनमा आएको शाखाको शुक्रबार पोखरा उद्योग वाण्ज्यि संघका वरिष्ठ उपाध्यक्ष पवन प्रजापतिले उद्घाटन गरे ।
कार्यक्रममा वरिष्ठ उपाध्यक्ष प्रजापतिले छोटो समयमा नै बेकरीले तेस्रो शाखा बिस्तार गर्न सफल भएको भन्दै खुसी व्यक्त गरे । उनले पोखरा उद्योग वाणिज्य संघका पूूर्व अध्यक्ष विश्वशंकर पालिखेका पालामा पोखराले विकास निर्माण तथा सामाजिक क्षेत्रमा मुहार फेर्न सफल भएको उल्लेख गरे ।
बेकरी सञ्चालक सुनयना पालिखेले करिब डेढ वर्ष अगाडि कोरोना कालमा बेकरी व्यवसाय सुरु गरेको भन्दै उनले ग्राहकहरुको मायाका कारण छोटो समयमा नै आफूहरुले तेस्रो शाखा बिस्तार गर्न सफल भएको बताइन् । बेकरीमा हालसम्म ३ करोडभन्दा बढी लगानी भएको उल्लेख गरिन् ।
पोखरा उद्योग वाण्ज्यि संघका उद्योगतर्फका उपाध्यक्ष गोकर्ण कार्कीले बाराहीले बेकरीको क्षेत्रमा छोटो समयमा नै आफ्नो छुट्टै पहिचान बनाउन सफल भएको बताए । उनले शाखा बिस्तारले थप रोजगारीको वातावरण सिर्जना गरेको बताए ।
बेकरीका यसअघि पोखराको लेकसाइड र न्युरोडमा शाखा सञ्चालन भइसकेका छन् ।