पोखरा । कास्की प्रहरीले लागु औषधसहित एक युवकलाई पक्राउ गरेको छ । पक्राउ पर्नेमा पोखरा २७, बागदीखोलाका २७ वर्षीय सरोज कुमाल हुन् । निजको साथबाट प्रहरीले माघ २५ गते राति लागु औषध डाइजापाम–४६ एम्पुल, फेनारगन–४३ एम्पुल र नुर्फिन–४३ एम्पुल गरी १ सय ३२ एम्पुल लागु औषध र १८ हजार रुपैयाँ बरामद गरेको जनाएको छ ।
इलाका प्रहरी कार्यालय शिशुवा हंसपुरबाट खटिएको प्रहरी टोलीले उनलाई नियन्त्रणमा लिएको हो । पक्राउ परेका कुमाललाई लागु औषधसम्बन्धी मुद्दामा कास्की जिल्ला अदालतबाट ७ दिनको म्याद थप गरी अनुसन्धान प्रक्रिया अघि बढाइएको कास्की प्रहरी प्रवक्ता प्रहरी नायव उपरीक्षक सुन्दर तिवारीले जानकारी दिए ।