नगरसभा भर्चुअल माध्यमबाट

आदर्श समाज सम्वाददाता
माघ १२, २०७८
waling~

वालिङ । वालिङ नगरपालिकाले भर्चुअलरुपमा ११ औं नगरसभा गरेको छ । महामारीरुपमा फैलिएको नयाँ भेरियन्ट ओमिक्रोनको संक्रमण दर उच्च हुँदै गएपछि भर्चुअल माध्यमबाट नगरसभा गरिएको हो ।
पछिल्लो समय संक्रमण दर उच्च भएसँगै प्रविधिको प्रयोगमार्फत देशमै पहिलो पटक भर्चुअल माध्यमबाट नगरसभा गर्ने वालिङ नगरपालिका पहिलो भएको दाबी नगर प्रमुख दिलीपप्रताप खाँणको छ ।
२०५४ सालमा आजकै दिन वालिङलाई नगरपालिका घोषणा गरिएको सन्दर्भ पारेर प्रविधिको प्रयोगसहित नगरसभा गरिएको उनले बताए । नगरसभाका सभासद घरमै र वडा कार्यालयमा बसेर भर्चुअल नगरसभामा भाग लिएका थिए ।
नगरसभाले वालिङ नगरपालिकाको जनस्वास्थ्य विधेयक, २०७८ र शिक्षा ऐन २०७४ को दोस्रो संशोधन कार्यविधि सर्वसम्मतिबाट पारित गरेको छ ।
विधायन समितिका सभापति धनबहादुर कुमालले प्रस्तुत गरेको जनस्वास्थ्य विधेयक र शिक्षा ऐनको संशोधन कार्यविधिमाथि छलफल गरी सभाले पारित गरेको हो ।
त्यस्तै, नगर उपप्रमुख कल्पना तिवारीले प्रस्तुत गरेको बजेट तथा कार्यक्रम संशोधनसम्बन्धी प्रस्ताव र न्यायिक समितिको प्रतिवेदन, कार्यपालिकाले गरेका निर्णयहरुको अनुमोदनसम्बन्धी प्रवक्ता केदार काफ्लेद्वारा प्रस्तुत प्रस्तावमाथि छलफलसहित सभाले पारित गरेको छ ।
लेखा समिति सदस्य जमुना केसीले प्रस्तुत गरेको लेखा समितिको प्रतिवेदन एवम् बेरुजु फछ्र्यौटसम्बन्धी प्रतिवेदन, केसीले नै प्रस्तुत गरेको पूर्वाधार विकास समितिको प्रतिवेदन, सुशासन समितिका संयोजक अर्जुनप्रकाश अर्यालले प्रस्तुत गरेको सुशासनसम्बन्धी प्रतिवेदन पारित भएको छ ।
सामाजिक विकास तथा फोहोरमैला व्यवस्थापन समिति संयोजक युगमाया पंगेनीद्वारा प्रस्तुत प्रतिवेदन, आर्थिक विकास समितिका संयोजक रेखा थापाद्वारा प्रस्तुत प्रतिवेदन र वातावरण तथा विपद् व्यवस्थापन समितिका संयोजक गीता रनपालद्वारा प्रस्तुत प्रतिवेदनमाथि छलफलसहित पारित भएको प्रमुख प्रशासकीय अधिकृत राजन भट्टराईले बताए ।

Related News

सम्बन्धित समाचार

  • शैक्षिक स्तरोन्नतिमा जोड

    आदर्श समाज सम्वाददाता जेठ १५, २०७९
    पोखरा । गण्डकीका कानुन, संचार तथा प्रदेशसभा मामिला मन्त्री बिन्दुकुमार थापाले बालश्रम न्युनीकरणमा परिवार, विद्यालय र समाजको भूमिका महत्वपूर्ण हुने…
  • पूर्वपदाधिकारीलाई सुविधा दिन लागिएपछि पाँचदलीय गठबन्धनबाटै विरोध

    विजय नेपाल जेठ १४, २०७९
    पोखरा, १४ जेठ । गण्डकी प्रदेश सरकारले प्रदेशका पूर्वपदाधिकारीलाई सुविधा उपलब्ध गराउन लागेपछि पाँचदलीय गठबन्धनले विरोध जनाएको छ । शनिबार विज्ञप्ति…
  • घर–घरमै वृद्ध भत्ता

    रासस जेठ १४, २०७९
    वालिङ । स्याङ्जाको गल्याङ नगरपालिकाले वृद्ध भत्ता अब घर–घरमै पुगेर वितरण गर्ने भएको छ । पालिकाका विभिन्न वडामा रहेका वृद्धवृद्धाहरुलाई…
  • पुतलीबजारमा हरित पुनरुत्थानबारे छलफल

    आदर्श समाज सम्वाददाता जेठ १४, २०७९
    स्याङ्जा । पुतलीबजार नगरपालिकाका नवनिर्वाचित जनप्रतिनिधिलाई हरित पुनरुत्थान परियोजनाबारे जानकारी गराइएको छ । संयुक्त राष्ट्र संघीय विकास कार्यक्रम (युएनडिपी) को…
  • गण्डकीको बजेट सिद्धान्त ‘मनचिन्ते झोलीजस्तो’

    प्रकाश ढकाल जेठ १४, २०७९
    पोखरा । गण्डकी सरकारले आगामी बजेटको सिद्धान्त र प्राथमिकता संसदमा छलफल गरिरहेको छ । सांसदहरुले सिद्धान्त र प्राथमिकताबारे आफ्ना प्रतिक्रिया…

hero news full width