लमजुङ । लमजुङ र गोरखाको सीमानामा पर्ने ८.६ मेगावाटको चेपेखोला साना जलविद्युत आयोजनाको ८५ प्रतिशत काम सकिएको छ । सुरुको तालिकाअनुसार आयोजनाबाट माघ ९ गतेदेखि विद्युत् उत्पादन थाल्नुपर्ने हो । तर, आयोजनाले ४ महिना समय थप गरी चैत मसान्तमा सम्पन्न गर्ने लक्ष्य लिएको आयोजना प्रवद्र्धक आशुतोष इनर्जी कम्पनीका अध्यक्ष मोहनविक्रम कार्कीले बताए । उनले भने, ‘उपकरण जडानको काम पनि २ महिनाभित्र पूरा गर्ने लक्ष्यका साथ काम जारी छ ।’
निर्माण कार्य सुरु भएको १४ महिनामा काम अन्तिम चरणमा पुगेको चेपेखोला साना जलविद्युत आयोजनाको ८५ प्रतिशत काम पूरा भएको छ । आयोजना सम्पन्न भई उत्पादन हुने विद्युत् १३२ केभी दोर्दी कोरिडोर प्रसारण लाइनको कीर्तिपुर सबस्टेसनमा जोड्ने योजना छ ।
अध्यक्ष कार्कीका अनुसार आयोजनाको ३ हजार ४ सय ५५ मिटर लामो पाइप लाइनमा १७ सय ५५ मिटर पाइप बिछ्याउने काम सकिएको छ । विद्युतगृहमा इलेक्ट्रोमेकानिकल उपकरण जडानको काम सुरु गर्ने तयारी भइरहेको उनले जानकारी दिए ।
२०७७ कात्तिक महिनादेखि आयोजना स्थलमा संरचना निर्माणको काम सुरु गरिएको थियो । उनका अनुसार २०७९ असार ९ गतेभित्र आयोजनाबाट उत्पादन सुरु गर्ने समय भए पनि अब २०७८ चैतभित्र नै आयोजना सञ्चालनमा ल्याउने तयारी छ ।
आयोजनाको विद्युतगृहमा अस्ट्रेलियास्थित ग्लोबल हाइड्रो कम्पनीले उत्पादन गरेको इलेक्ट्रोमेकानिकल उपकरण जडान हुन लागेको कार्कीले उल्लेख गरे । उनका अनुसार सरकारबाट कोभिड– १९ महामारीका कारण निर्माण प्रभावित भएका आयोजनाको १ वर्ष म्याद थपको सुविधा पाएको छ ।
विद्युगृहदेखि सबस्टेसनसम्म आवश्यक पर्ने २१ किलोमिटर प्रसारण लाइन कम्पनीले निर्माण गरिरहेको छ । लाइनको काम पनि अन्तिम चरणमा पुगेको छ । आयोजना सम्पन्न गर्न १ अर्ब ५० करोड रुपैयाँ लागत अनुमान गरिएको छ । कूल लागतको ७५ प्रतिशत हुन आउने १ अर्ब १२ करोड ५० लाख रुपैयाँ एनएमबी बैंकले लगानी गरेको छ ।
प्रतिमेगावाट लागतका हिसाबले यो आयोजना करिब १७ करोड ३८ लाख रुपैयाँमा पूरा गर्ने लक्ष्य छ । अहिले जलविद्युतको प्रतिमेगावाट लागत २० देखि २५ करोड रुपैयाँसम्म पुग्ने अनुमान छ ।
Related News
सम्बन्धित समाचार
कामचलाउ मुख्यमन्त्री अधिकारी विश्वासको मत लिने तयारीमा
बजेटमाथि बहुवर्षे योजनाको चाप : दायित्व पौने १६ अर्ब
गण्डकीको वर्ष ८० : प्रदेश तहमाथि प्रश्न थपिएको वर्ष
खगराज अधिकारी : पहिला १२ बाट ७ मा झारे, अहिले उनैले सत्तामा टिक्न मन्त्रालय फुटाए
जिल्ला अध्यक्षमा हारेका अधिकारी मुख्य न्यायाधिवक्ता
hero news full width
मुख्य समाचार
प्रेमील गजलकारको भावपूर्ण बिदाइ
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१