पोखरा । स्याङ्जाली सम्पर्क सदन पोखराको २७ औं वार्षिक साधारणसभा तथा १३ औं अधिवेशनले तारा गौतम सुनारको अध्यक्षतामा नयाँ कार्यसमिति चयन गरेको छ ।
१९ सदस्यीय समितिको उपाध्यक्षमा धर्मराज अर्याल, कोपिला तिवारी, गोविन्द काफ्ले, आनन्दप्रसाद अर्याल, ऋतुनाथ लम्साल, महासचिव शिवबहादुर थापा, सचिव विष्णुमाया गुरुङ, रुक्मागत भण्डारी विश्वास र कोषाध्यक्ष विष्णुप्रसाद पोखरेल सर्वसम्मत चयन भए । सदस्यमा टंक चापागाईं, डिपीन ढकाल, हिरामणि न्यौपाने, कृष्णप्रसाद अर्याल, विष्णु खनाल, तोलाकान्त न्यौपाने, गीता चापागाईं र नवराज पौडेल छन् ।
संस्थाका अध्यक्ष लीलाप्रसाद पंगेनीको अध्यक्षतामा भएको कार्यक्रममा पूर्व अध्यक्ष प्राडा दिलबहादुर क्षत्री, पिताम्बर नेपाली, अमरनाथ रेग्मी, श्यामप्रसाद रेग्मी, दुर्गाबहादुर शाह, उपाध्यक्ष लालिमाया रेग्मी, कोषाध्यक्ष विष्णुमाया गुरुङ लगायतले बोलेका थिए । कार्यक्रम संचालन महासचिव धर्मराज अर्यालले गरेका थिए ।