वेदव्यास ज्येष्ठ नागरिक आश्रम सम्मानित

आदर्श समाज सम्वाददाता
माघ ८, २०७८
prize

पोखरा । तनहुँको दमौलीस्थित वेदव्यास ज्येष्ठ नागरिक आश्रम ‘आमा सेतुलीमाया शाक्य स्मृति वृत्ति–२०७८’ बाट सम्मानित भएको छ ।
सिद्धि सेतुली स्मृति प्रतिष्ठान, पोखराबाट सञ्चालित उक्त स्मृति वृत्तिको राशि १ लाख रुपैयाँ रहेको छ । प्रतिष्ठानका ज्येष्ठ सदस्य तथा पूर्व अध्यक्ष भूपनिधि पन्त र प्रतिष्ठान अध्यक्ष कृष्णप्रसाद बास्तोलाले नगद १ लाख, सम्मानपत्रसहित दोसल्ला ओढाएर सम्मान गरेका थिए ।
यसैगरी, आमा सेतुलीमाया शाक्यको परिवारका तर्फबाट कान्छी बुहारी बुलु शाक्यले ‘वेदव्यास ज्येष्ठ नागरिक आश्रम’ लाई थप १ लाख रुपैयाँको चेक हस्तान्तरण गरेकी थिइन् ।
सोही समारोहमा संस्थामा स्थापनाकालदेखि कोषाध्यक्षमा रहेर १५ वर्षभन्दा बढी सेवा प्रदान गरेका गोविन्द ताम्राकारलाई सम्मान गरिएको थियो । साथै संस्थापक अध्यक्ष विश्व शाक्यको ‘अन्तर्मनका सम्झनाहरु’ नामक पुस्तक प्रमुख आमन्त्रित व्यक्तित्व अग्रज पत्रकार भूपनिधि पन्तबाट लोकार्पण भयो ।
त्यस अवसरमा पन्तले आफूले सुरुमा फोटोग्राफरको रुपमा मात्र चिनेको विश्व शाक्यलाई बहुआयामिक व्यक्तित्वको रुपमा पाएको उल्लेख गरे । साथै उनले सिद्धि सेतुली स्मृति प्रष्तिष्ठानले राज्यको पनि ध्यान पुगका क्रियाशील संस्थाहरुलाई सम्मान गर्दै आएको बताए ।

विश्व शाक्यको विमोचित ‘अन्तर्मनका सम्झनाहरु’ पुस्तकमा विभिन्न स्रष्टाबारे संस्मरण उल्लेख छ

वेदव्यास ज्येष्ठ नागरिक आश्रमका अध्यक्ष सावित्री श्रेष्ठले महिलाहरुले चलाएको संस्था भनेर उपेक्षित भइरहेकोमा पोखराबाट ‘आमा सेतुलीमाया स्मृति वृत्ति तथा सम्मान’ पाउँदा धेरै खुसी लागेको बताइन् ।
सम्मानित कोषाध्यक्ष गोविन्द ताम्राकारले संस्थामा वर्षमा एकैचोटी हिसाब गर्न खोज्दा दुर्घटना निम्तिन सक्ने बताउँदै दैनिक अभिलेख हुनुपर्नेमा जोड दिए । साथै उनले आफ्नै संस्थाबाट सम्मान पाउँदा ठूलो हौसला मिलेको बताए ।
संस्थाका संरक्षक विश्व शाक्यले ‘अन्तर्मनका सम्झनाहरु’ भित्र पोखराका ९ र पोखरा बाहिरका ९ जना स्रष्टाका बारेमा संस्मरण रहेको उल्लेख गरे ।
नेपाल पत्रकार महासंघ कास्कीका निवर्तमान अध्यक्ष दीपेन्द्र श्रेष्ठले प्रतिष्ठान कोषाध्यक्ष गोविन्द ताम्राकारले निर्वाह गरेको पदीय दायित्वको चर्चा गरेका थिए ।
समारोहमा संस्थाका निवर्तमान अध्यक्ष नरेन्द्र लालचनले प्रतिष्ठानको नयाँ कार्य समितिका पदाधिकारीलाई पदस्थापन गराएका थिए । प्रतिष्ठान अध्यक्ष कृष्णप्रसाद बास्तोलाको अध्यक्षतामा भएको उक्त कार्यक्रममा उपाध्यक्ष हनिफ मियाँले स्वागत र सचिव इन्द्रकमल मानन्धरले संचालन गरेका थिए ।
संस्थाका सदस्य तथा प्रतिभा चयन समिति संयोजक प्रमिला तझ्याले सम्मानित संस्थाबारे परिचय प्रस्तुत गरेकी थिइन् ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width