उद्योग व्यवसाय सधैं मार

श्रीभद्र पौडेल
माघ ८, २०७८
udyog~

हेमजा । कोरोना महामारीको तेस्रो भेरियन्ट सुरुआतसँगै लकडाउनको सनसनी छ । दिनहुँजसो कोरोना संक्रमितको संख्या १० हजार हाराहारीमा भेटिंदा उद्योगी व्यवसायी फेरि चिन्तामा छन् । पहिलो र दोस्रो लहरले नराम्ररी थला परेको उद्योग व्यवसाय क्षेत्रमा पुनः कोरोना महामारीले कस्तो स्थिति सिर्जना होला ? भन्ने उनीहरुको चिन्ता हो । तर पहिलेजस्तो हतपती उद्योगधन्दा बन्द गरिहाल्ने पक्षमा आफूहरु रहेको उद्योगी व्यवसायीको भनाइ छ ।
पोखरा औद्योगिक क्षेत्रमा हाल ८६ उद्योग प्रतिष्ठान छन् । करिब ३ हजार श्रमिक रोजगाररत् छन् । उद्योगधन्दा एक्कासि बन्द भए व्यवसायीको ठूलो लगानी डुब्ने तथा श्रमिकका आश्रित परिवारका सदस्यहरु गरी सैयौंको रोजीरोटी गुम्ने खतरा उत्तिकै छ ।
यहाँ सञ्चालित फिस्टेल डेरी प्रालिका संचालक सुरेशकुमार ध्वजुले संक्रमण संख्या बढे पनि उद्योगको काम नरोक्ने बताउँछन् । ‘दैनिक उपभोग्य बस्तु भएकाले उत्पादन रोक्न पनि मिल्दैन,’ उनी भन्छन्, ‘रोकेमा किसान र श्रमिकलाई प्रत्यक्ष मार पर्छ ।’
अघिल्लो पटक उद्योगलाई आइसोलेसन बनाएर पनि उत्पादनलाई निरन्तरता दिएको ध्वजुले स्मरण गरे । लकडाउन भए पनि बजारमा दूध, दही, पनीर, ध्यू, आइसक्रिम जस्ता दुग्धजन्य सामग्रीको माग नियमित हुने गर्दछ । चितवन, नवलपुरदेखि बुटवलसम्मबाट दूध खरिद गरेर बिक्रीवितरण गरे पनि पोखरा क्षेत्रमा खपत भइरहेको उनको भनाइ छ ।
निर्माण व्यवसायी फणीन्द्रराज शर्मा पनि ठूलै महामारी र कडाखालको लकडाउन घोषणा भए पनि उद्योगको काम नियमित रुपमा नै हुने विश्वासमा छन् । ‘सरकारले नै निर्माण कार्य नरोक्नु भनेको । लकडाउन नै भए पनि विकास निर्माणका कार्यलाई प्रोत्साहन नै गरेको छ,’ उनले भने, ‘बाहिरी बजारमा लकडाउन होला तर उद्योगको काम रोकिंदैन ।’

पोखरा औद्योगिक क्षेत्रका उद्योगी व्यवसायी जस्तोसुकै परिस्थिति आए पनि बन्द नगर्ने पक्षमा छन्

शर्मा र ध्वजु त प्रतिनिधिपात्र हुन् । उनीहरु जस्तै अधिकांश उद्योगी व्यवसायी कठिन परिस्थिति बाबजुद उद्योग बन्द गर्न पक्षमा छैनन् । रोगभन्दा भोक ठूलो हुने र मजदूरको जीविकाको प्रश्नले गर्दा पनि उद्योगधन्दा बन्द नगर्ने उनीहरुको पूर्व तयारी छ ।
पोखरा औद्योगिक क्षेत्र व्यवस्थापन कार्यालयका प्रमुख किशोरकुमार पाण्डेले सरकारको कोरोना नियन्त्रण नाममा जस्तोसुकै आदेश गरे पनि आफूहरुले विगतमा झैं बन्द नगरी स्वास्थ्य सुरक्षा मापदण्ड अपनाएर संचालन गर्ने बताउँछन् । अघिल्लो सातामात्र सरुवा भइ आएका उनले यहाँका उद्योगधन्दा एवं कारखानाको अवस्था बुझ्दै गरेको बताउँदै जस्तोसुकै परिस्थितिमा पनि उद्योग सहजरुपमै संचालन हुने स्पष्ट पारे ।
पोखरा औद्योगिक क्षेत्रका ८६ उद्योग प्रतिष्ठानमध्ये चालु अवस्थाका ७७ छन् । निर्माणाधीन उद्योग १, रद्घ १ र अन्य ७ संघसस्था छन् ।
विशेषगरी यहाँ दूध तथा दूधजन्य पदार्थ, बेकरी, चाउचाउ, बिस्कुट, दाना तथा ह्याचरी, प्रिन्टिङ तथा प्याकेजिङ, प्लास्टिक, प्रशोधित पिउनेपानी, टायल तथा ब्लक, सिरक, डसना, फम काठ तथा फलामका फर्निचर, अक्सिजन ग्यास, झोल साबुन लगायतका उद्योग बढी संख्यामा छन् । यहाँ निजी क्षेत्रको करिब ४ अर्ब लगानी छ ।

Related News

सम्बन्धित समाचार

  • कृषिमा आत्मनिर्भर बनाउन प्रदेश सरकार क्रियाशील : मुख्यमन्त्री पोखरेल

    आदर्श समाज सम्वाददाता असार १५, २०७९
    पोखरा  । गण्डकी प्रदेशका मुख्यमन्त्री कृष्णचन्द्र नेपाली पोखरेलले गण्डकी प्रदेश सरकार कृषिलाई आधुनिक एवम् व्यावसायिक बनाउन प्रतिबद्ध रहेको बताएका छन्…
  • बजेटको किचलोले संसद बैठक अनिर्णीत

    प्रकाश ढकाल असार १४, २०७९
    पोखरा । चल्तीको नाम सांसद विकास कोष अर्थात् निर्वाचन क्षेत्र पूर्वाधार कार्यक्रमको शीर्षक नै अर्थमन्त्रीले काटिदिएपछि गण्डकीमा बजेटमाथिको छलफल सुरु…
  • विदेशमा देखिएको सपनामा रमाउँदै पर्यटक

    धनबहादुर गुरुङ असार १४, २०७९
    पोखरा । बेलायत बस्दै आएका भीमाद ५, मिछुर्लुङका महेन्द्र आले २०७२ सालमा आफ्नो गाउँमा होमस्टे सञ्चालन हुँदा औधी खुसी थिए…
  • नेकपा एसका ४ मन्त्री र १ राज्यमन्त्रीले लिए सपथ

    आदर्श समाज सम्वाददाता असार १३, २०७९
    पोखरा । एकीकृत समाजवादीबाट नवनियुक्त मन्त्रीहरूले राष्ट्रपति विद्यादेवी भण्डारीसमक्ष पद तथा गोपनीयताको सपथ लिएका छन्। शीतलनिवासमा आयोजित कार्यक्रममा राष्ट्रपति भण्डारीले…
  • पटक–पटक किन भासिन्छ पोखरा ?

    विजय नेपाल असार १३, २०७९
    पोखरा । पोखरा महानगरपालिका ४ बूढानीलकण्ठ मन्दिर नजिकैको सडक शनिबार राति भासियो । त्यस क्षेत्रमा यातायात अवरुद्ध बनेको छ भने…

hero news full width