पोखरा । सहारा क्लब पोखराले सञ्चालन गर्दै आएको सहारा एकेडेमीको अक्षयकोषमा रकम प्राप्त भएको छ । अक्षयकोषका लागि क्लब र ओएभिएस पोखराबीच सम्झौतापत्रममा हस्ताक्षरसमेत भयो ।
ओएभिएस पर्थ अष्ट्रेलियाका संचालक सुभाष श्रेष्ठ, ओएभिएस पोखराका संचालक निराजन कुँवर र समिता आचार्यले बुधबार ५ लाख रुपैयाँ एकेडेमीको अक्षयकोषका लागि क्लब अध्यक्ष हरिराम गुरुङ
‘सुरज’ लाई हस्तान्तरण गरे । यस्तै, आगामी २ वर्षसम्म बर्सेनि ५ लाख रुपैयाँ प्रदान गर्ने सम्झौतापत्रमा उल्लेख छ ।
‘आत्मा साक्षि राखी मन, वचन र कर्मले सामाजिक सेवा गरौं’ भन्ने उद्देश्यका साथ २०५५ सालमा पोखराको पुरानो बसपार्कमा स्थापित सहारा क्लबले पोखराको पर्यावाचीको रुपमा परिचित छ । क्लबले हरेक वर्ष गर्ने फुटबल प्रतियोगिताबाट बचत रकम दोबिल्लामा सञ्चालित सूर्यबहादुर केसी स्मृति सहारा फुटबल एकेडेमीमा आश्रित बालकहरुको निम्ति खर्च गर्दै आएको छ । एकेडेमीमा १४ जिल्लाका २४ बालक आश्रित छन् ।
यसैबीच, क्लबले माघ ६ देखि १५ सम्म पोखरा रंगशालामा २० औं संस्करणको आहारारा गोल्डकप फुटबल प्रतियोगिता गर्दैछ । सोको आवश्यक तयारी पूरा भएको क्लबले जनाएको छ । १० टिमको सहभागिता हुने प्रतियोगितामा संकटा क्लब, मच्छिन्द्र, मनाङ मस्र्याङ्दी, विभागीय नेपाल पुलिस, एपिएफ, नेपाल आर्मी, हिमालय शेर्पा, थिस्टार, अमेरिकाको बिवाईएससी, मिनेसोटा र आयोजक सहारा क्लब पोखराले प्रतिस्पर्धा गर्ने छन् । उद्घाटन खेल आयोजक र एपिएफबीच हुनेछ ।
Related News
सम्बन्धित समाचार
दीपक मनाङेलाई भाैतिक मन्त्रालय
जनजागृतिमा शिक्षक बिदाइ
ओमबहादुर कार्कीको सम्झना
स्याङ्जा प्रहरी प्रमुख शर्मा र पत्रकारबीच छलफल
गण्डकीका नयाँ प्रदेश प्रमुख भट्टले सम्हाले पदभार
hero news full width
मुख्य समाचार
पोखराको काहुँडाँडामा भीषण आगलागी
बागलुङको निसीखोलामा बस दुर्घटना हुँदा ७ को मृत्यु, २० घाइते
चैत्र ५, २०८०मनाङेले लिए मन्त्रीको सपथ, टिक्ला पाण्डे सरकार ?
चैत्र ५, २०८०चौथो पटक मन्त्री बन्दै दीपक मनाङे, आजै शपथ खुवाउने तयारी
चैत्र ५, २०८०सुन तस्करीमा संलग्न रहेको आरोपमा माओवादी उपाध्यक्ष कृष्णबहादुर महरा कपिलवस्तुबाट पक्राउ
चैत्र ५, २०८०विश्व पर्यटन बजारमा पोखराको ‘ब्राण्डिङ’ हुन्छ : मुख्यमन्त्री पाण्डे
चैत्र ४, २०८०