दीपक समीपकाे मुक्तक संग्रह ‘अक्षर अक्षरमा देश’ लोकार्पण

आदर्श समाज सम्वाददाता
माघ २, २०७८
Deepak Sameep Photo

पोखरा । साहित्यकार दीपक समीपको मुक्तक सञ्चयन ‘अक्षर अक्षरमा देश’ शनिबार लोकार्पण गरिएको छ । पोखरेली युवा सांस्कृतिक परिवारको आयोजनामा नेपाल संगीत तथा नाट्य प्रज्ञा प्रतिष्ठानका पूर्व कुलपति सरुभक्तले कृति लोकार्पण गरेका हुन् ।

पूर्व कुलपति सरुभक्तले हतारमा कृति प्रकाशन गरेर पछुताउनुभन्दा समय लिएर कृति प्रकाशन गर्नु उपयुक्त हुने बताए । पहिलो कृति प्रकाशन गरेको झण्डै १६ वर्षपछि नयाँ कृति प्रकाशन गरिए पनि आगामी दिनमा भने यति लामो अन्तर नराख्न समीपलाई उनको सुझाव थियो । कृतिमा समावेश मुक्तकको तारिफ उनले खुलेरै तारिफ गरे ।

समीक्षक सञ्जीव पौडेलले कृतिको समीक्षा गरेका थिए । पोखरेली युवा सांस्कृतिक परिवारका पूर्व अध्यक्ष डा.ईश्वरमणि अधिकारीले दीपक समीपबारे सबैलाई चिनाए । परिवारका अध्यक्ष मोती भुजेलको अध्यक्षतामा भएको समारोहमा संस्कृतिकर्मी तीर्थ श्रेष्ठ, बिम्बकवि रमेश श्रेष्ठ, पोखरेली युवा सांस्कृतिक परिवारका पूर्व अध्यक्ष जीवनसागर भण्डारीले श्रष्टा समीप तथा उनको मुक्तक संग्रहको बारेमा कृति असाध्यै राम्रो भएको प्रतिक्रिया दिए।
कार्यक्रममा श्रष्टा समीपले सबैको साथकै कारण कृति प्रकाशन गर्न हौसिएको सुनाए । सबैको माया र साथका कारण ऊर्जा थपिएको उनको भनाइ थियो ।

परिवारका कोषाध्यक्ष अर्जुन अधिकारीले स्वागत गरेको कार्यक्रमको सञ्चालन साहित्य संयोजक रीता अधिकारीले गरेकी थिइन् । कार्यक्रममा साहित्यकार रुपिन्द्र प्रभावीले मुक्तक संग्रहमा समावेश केही मुक्तक वाचन गरेर सुनाएका थिए । विएन पुस्तक संसारमार्फत प्रकाशनमा आएको कृतिमा १ सय १ मुक्तक छन् ।

Related News

सम्बन्धित समाचार

  • सञ्जीवले ल्याए ‘जून ओर्लेको रात’

    आदर्श समाज सम्वाददाता चैत्र ११, २०८०
    पोखरा । कवि सञ्जीव पौडेलको कवितासंग्रह ‘जून ओर्लेको रात’ बजारमा आएको छ । शनिबार पोखरामा आयोजित दौंतरी कार्यक्रममा उक्त कृति…
  • ‘प्रिया !’ मुक्तक संग्रह लोकार्पण

    आदर्श समाज सम्वाददाता चैत्र ११, २०८०
    पोखरा । उपप्राध्यापक सुरज पौडेलद्वारा लिखित ‘प्रिया !’ मुक्तक संग्रह लोकार्पण गरिएको छ । सिर्जनशील लोकतान्त्रिक प्रतिष्ठान पोखरा आयोजनामा शनिबार…
  • फेवाताल किनारमा चित्ताकर्षक ओडिसी नृत्य

    आदर्श समाज सम्वाददाता चैत्र १०, २०८०
    पोखरा । नेपाल र भारतको समृद्ध सांस्कृतिक सम्पदा मनाउन पोखरामा शनिबार साँझ भारतीय शास्त्रीय ओडिसी नृत्य र नेपाली लोकनृत्य प्रस्तुत गर्दै…
  • कर्मचारी युनियन कास्कीको क्यालेन्डर

    आदर्श समाज सम्वाददाता चैत्र ९, २०८०
    पोखरा । नेपाल निजामती कर्मचारी युनियन कास्कीले विसं २०८१ को क्यालेन्डर निकालेको छ । शुक्रबार पोखरा आयोजित शुभकामना आदानप्रदान कार्यक्रममा…
  • जसुलाई रोटरी भोकेसनल एक्सिलेन्स अवार्ड

    आदर्श समाज सम्वाददाता चैत्र ५, २०८०
    पोखरा । पोखराकी जसु गुरुङ १ लाख राशिको रोटरी भोकेसनल एक्सिलेन्स अवार्डबाट सम्मानित भएकी छन् । महिलालाई सामाजिक सेवामा प्रोत्साहित…

hero news full width