जीप दुर्घटनामा मृतकको संख्या ६ पुग्यो, सिंगो गाउँ शोकमा

आदर्श समाज सम्वाददाता
माघ १, २०७८
accident

पोखरा । चाडबाडको बेला ६ जनाको मृत्यु र ८ जना घाइते हुने गरी भएको जीप दुर्घटनाले बन्दीपुर गाउँपालिका यतिखेर शोकमा डुबेको छ। तनहुँको बन्दीपुर ६, धरमपानीस्थित बाक्सेमा शुक्रबार राति ग१ज ६५५५ नम्बरको जीप दुर्घटना भएको हो । साराङघाटबाट धरमपानी भित्री सडकखण्डमा बाक्सेतर्फबाट धरमपानी जाँदै गरेकोे जीप दुर्घटनामा दम्पतीसहित आमाछोरा समेतको ज्यान गएको छ।

गाउँपालिका अध्यक्ष पूर्णसिंह थापाले भने, ‘माघे संक्रान्ति पर्वको अघिल्लो दिन भएको दुर्घटनाले सबैलाई दुखित बनाएको छ । बाक्से, हटियामात्र नभई सिंगो गाउँपालिका नै यतिखेर शोकमा डुबेको छ ।’

आँबुखैरेनीको घुमाउनेबाट बुद्धसिंह मार्ग हुँदै बन्दीपुरतर्फ गुडेको जीप हटिया गाउँ आइपुग्नुभन्दा केही नजिक उकालोबाट व्याक भएर खसेको थियो । जीपको उकालोमा ब्याक भएर दुर्घटना भएको उनले बताए । सिकारु चालक भएकोले सो दुर्घटना हुन गएको बुझिएको छ । चालक फरार छन् । वडा ६ वडाध्यक्ष सन्तबहादुर गुरुङले दुर्घटनाले वडावासी शोकमा डुबेको बताए । उनका अनुसार मृतकमध्ये एक दम्पती तथा एकैघरका आमाछोरा पनि परेका छन्।

दुर्घटनामा बन्दीपुर ६ का ५३ वर्षीय हरि न्यौपाने, ४८ वर्षीया सुशीलादेवी न्यौपाने, २४ वर्षीय रोशन गुरुङ, ९ महिनाकी बालिका आरुबी थापा, ४८ वर्षीय सन्तबहादुर गुरुङ र ५० वर्षीया वीममाया गुरुङको मृत्यु भएको प्रहरीले जनाएको छ ।
दुर्घटनास्थलमै ४ जनाको र २ जनाको उपचारक्रममा मृत्यु भएको हो । घाइते ८ जनाको भरतपुर अस्पतालमा उपचार भइरहेको छ । घाइते हुनेमा २१ वर्षीया जमुना थापा, ४८ वर्षीया ममकुली गुरुङ, २२ वर्षीया कुमारी गुरुङ, १६ वर्षीया सनिसा थापा, ७ महिने बालिका वीविशा थापा, १८ वर्षीय कुमार थापा, २० वर्षीय दानबहादुर थापा र २१ वर्षीय विपीन थापा छन्।

Related News

सम्बन्धित समाचार

  • वर्षाले हिलाम्मे पोखरा प्रवेशमार्ग

    धनबहादुर गुरुङ चैत्र १६, २०८०
    पोखरा ।  पर्यटकीय राजधानी पोखरालाई संघीय राजधानी सहरसँग जोड्ने पृथ्वी राजमार्ग स्तरोन्तति कार्य जारी नै छ । आँबुखैरेनी–पोखरा करिब ८०…
  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…

hero news full width