पोखरा । आगामी राष्ट्रिय सभा र स्थानीय तहको निर्वाचनबारे छलफल गर्न निर्वाचन आयोगको आह्वानमा सर्वदलीय बैठक बस्दैछ । बैठक आज बिहान ११ बजे बस्नेछ । आयोगका प्रवक्ता शालिग्राम शर्मा पौडेलका अनुसार बैठकमा आसन्न राष्ट्रियसभा निर्वाचन र स्थानीय तहको निर्वाचनको मितिदेखि तयारीसम्मका बारेमा कुराकानी हुनेछ।

बैठकमा संघीय संसद, प्रदेश सभा र स्थानीय तहमा प्रतिनिधित्वमा गर्ने दलका प्रतिनिधिहरूलाई निम्त्याइएको छ । आगामी माघ १२ मा राष्ट्रिय सभाका १९ सदस्यका लागि चुनाव हुँदैछ भने वैशाखमा हुने स्थानीय तह चुनावको पनि आयोगले तयारी सुरु गरेको छ।