Worldlink ads

महिला उद्यमी संघको साक्षरता

आदर्श समाज सम्वाददाता
पौष २७, २०७८
female

पोखरा । महिला उद्यमी संघ नेपाल कास्कीले सातौं साधारण सभा अवसरमा कानुनी एवं बैंकिङ साक्षरता कार्यक्रम गरेको छ ।
कार्यक्रममा प्रतिनिधि सभा सदस्य विद्या भट्टराईले महिला उद्यमीका नीतिगत मुद्दा सुल्झाउन आफू सदैव लागिरहने बताइन् । उनले वास्तविक उद्यमी उत्पादन गर्नु आजको आवश्यकता हो भनिन् ।
कार्यक्रममा संस्थापक अध्यक्ष एवं प्रदेशसभा सदस्य मीना गुरुङ, पोखरा उद्योग वाणिज्य संघकी शोभा गौतम, उद्योग वाणिज्य महासंघ गण्डकी प्रदेश अध्यक्ष सञ्जीवबहादुर कोइराला, मेगा बैंककी बुद्धलक्ष्मी श्रेष्ठ, शिवबहादुर कार्कीलगायतले सहजीकरण गरेका थिए । संस्थाका कानुनी सल्लाहकार अधिवक्ता बिनाका शर्माले कानुनी विषयमा जानकारी दिइन् ।
संघ अध्यक्ष पार्वती पौडेल रेग्मीको अध्यक्षतामा भएको कार्यक्रममा महासचिव एलिना बराल तथा कोषाध्यक्ष चन्द्रा शर्माको प्रतिवेदन सर्वसम्मत पारित भएको थियो । सो अवसरमा निवर्तमान अध्यक्ष काशी गुरुङ तथा अध्यक्ष पार्वती पौडेल रेग्मीलाई सम्मान गरिएको थियो । अध्यक्ष रेग्मी महासंघको १८ औं साधारण सभाबाट केन्द्रीय सदस्य हालैमात्र निर्वाचित भएकी थिइन् । यस्तै, महासंघका ५७ जिल्लामध्ये कास्की शाखा सो अवसरमा तेस्रो उत्कृष्ट भएको थियो ।
मीना प्रधान तथा बालकुमारी गुरुङको संयोजकत्वमा भएको कार्यक्रमको सञ्चालन प्रथम उपाध्यक्ष प्रतिभा गैह्रेले गरेकी थिइन् । अस्ट्रेलिया नेपाल बिजनेस काउन्सिल कमिटी (एनआरएनए) को आर्थिक सहयोगमा भएको कार्यक्रममा १ सयजना जति सहभागी थिए ।

Related News

सम्बन्धित समाचार

    • उपकारको वार्षिकोत्सवमा रक्तदान र सम्मान

      आदर्श समाज सम्वाददाता माघ ७, २०७८
      पोखरा । उपकार बचत तथा ऋण सहकारी संस्था पोखरा–६, बैदामको शुक्रबार १३ औं वार्षिकोत्सव अवसरमा रक्तदान कार्यक्रम भएको छ ।…
    • सहारा एकेडेमीको अक्षयकोषमा १५ लाख सहयोग

      आदर्श समाज सम्वाददाता माघ ५, २०७८
      पोखरा । सहारा क्लब पोखराले सञ्चालन गर्दै आएको सहारा एकेडेमीको अक्षयकोषमा रकम संकलन भएको छ । अक्षयकोषका लागि क्लब र ओएभिएस…
    • कोरोनाले लोककवि अलिमियाँ फुटबल प्रतियोगिता स्थगित

      आदर्श समाज सम्वाददाता माघ १, २०७८
      पोखरा । कोरोना महामारीको प्रभावका कारण तेस्रो लोककवि अलिमियाँ स्मृति खुला सेभेन ए साइड फुटबल प्रतियोगिता स्थगित भएको छ। आयोजक…
    • ज्येष्ठ नागरिकको स्वास्थ्य परीक्षण

      आदर्श समाज सम्वाददाता पौष २७, २०७८
      हेमजा । पोखरा हेमजा निवासी ज्येष्ठ नागरिक स्वास्थ्य परीक्षण गरिएको छ । वडास्तरीय ज्येष्ठ नागरिक समितिले विशेष भेलाको आयोजना गरी…
    • प्रहरीद्वारा मास्क वितरण

      आदर्श समाज सम्वाददाता पौष २७, २०७८
      पोखरा । पोखराको तुल्सीघाटस्थित अस्थायी प्रहरी बिटका प्रहरी तथा समाजसेवीको सहयोगमा १ हजार ५ सय मास्क वितरण गरिएको छ ।…

    hero news full width