पोखरा । साढे २ सातापछि राष्ट्रियसभाको उपनिर्वाचन हुँदै छ । त्यसका लागि पुस २० गते मनोनयन दर्ता भइसकेको छ । राष्ट्रियसभामा गण्डकीबाट ३ पद रिक्त हुँदै छ । फागुनमा रिक्त हुने पदमा माघ १२ गते मतदान हुन लागेको हो । यहाँ गठबन्धनबाट ३ जना र एक्लै चुनावमा होमिएको एमालेले ३ उम्मेदवार उठाएको छ । गठबन्धनबाट महिलामा कांग्रेस नेतृ कमला पन्त उम्मेदवार छिन् भने खुलामा माओवादीका सुरेशकुमार आले र दलितमा माओवादीकै भुवन सुनारलाई टिकट दिइएको छ । ५ दलको गठबन्धन भए पनि अरु दलका उम्मेदवार छैनन् । एमालेबाट खुलामा पुण्य पौडेल, महिलामा लीला थनेत र दलितमा अर्जुनकुमार सुनाम उम्मेदवार छन् ।
यहाँ गठबन्धन निकै बलियो छ । ५ हजार ८ सय ८२ कुल मतभार रहेकोमा गठबन्धनसँग मात्रै ३ हजार २ सय ५२ मतभार छ । एमाले र राप्रपाको मत फरक छ । एमालेसँग मात्रै २ हजार ५ सय ३८ मतभार छ । राप्रपा एमालेसँग जोडिँदासमेत ३६ मतभार जितका लागि पर्याप्त छैन । गठबन्धन र एमालेबीच ७ सय १४ मतभारको फरक पर्छ । गठबन्धनका दलहरुले संयुक्त रुपमा पत्रकार सम्मेलन गरेर आफ्ना उम्मेदवारलाई मत दिन आग्रह गरेका छन् ।
गठबन्धनको प्रमुख दल नेपाली कांग्रेसका गण्डकी प्रदेश सभापति शुक्रराज शर्माले आफ्नो मत जोगाउँदै अरु मत थप्न पहल गरिरहेको बताए । ‘जनप्रतिनिधिले गर्ने मतदान भएकोले यताउति हुने सम्भावना रहँदैन । स्वतन्त्र सांसद पनि यही सरकारमा मन्त्री हुनुहुन्छ,’ उनले भने, ‘राप्रपासँग मत मागेका छौं । उनीहरुको यहाँ उम्मेदवार नभएकोले सहयोग गर्न सक्नुहुन्छ । एमालेभित्रै पनि असन्तुष्टहरुलाई मतदानका लागि आह्वान गरेका छौं ।’
माओवादी नेता तथा गण्डकी संसदीय दलका नेता हरिबहादुर चुमानले प्रतिगमनलाई शिर उठाउन नदिनका लागि गठबन्धनले जित्नुपर्ने बताएका छन् । गठबन्धन बलियो भएकोले जीत सुनिश्चत भइसकेको उनको दाबी छ । जनमोर्चा गण्डकीका अध्यक्ष शंकर बरालले माघ १२ का लागि आफूहरु एकै ठाउँमा रहेको बताए । ‘माघ १२ गते हुने चुनावका लागि हाम्रो गठबन्धन छ । यसलाई पछिसम्म लैजानुपर्छ भन्ने हाम्रो अनुरोध हो,’ उनी भन्छन्, ‘विचार र दृष्टिकोणमा हाम्रो मत भिन्नता छ । तर लोकतन्त्र संरक्षण भनेको साझा एजेन्डा हो । त्यसैले मिलिरहेका छौं ।’
जनता समाजवादी पार्टीका प्रदेश उपाध्यक्ष हेमबहादुर थापा (आमोद) ले संस्थागत रुपमा आफूहरु गठबन्धनमै रहेको बताए । ‘धेरै कुरामा हामी फरक छौं । विचार व्यक्तिका अरु होलान् । तर पार्टीको संस्थागत निर्णय गठबन्धनलाई सघाउने नै हो । हामी गठबन्धनको निरन्तरताको पक्षमा छौं,’ उनले भने । एकीकृत समाजवादीका नेता प्रतापलाल श्रेष्ठले गण्डकीसहित सबै प्रदेश गठबन्धनले जित्ने बताएका छन् । ‘हामीसँग भएको सबै मत संरक्षण गर्छौं र सकेसम्म अरु पनि तान्ने प्रयास गर्छौं,’ उनले भने ।
उम्मेदवार सुरेशकुमार आलेले परम्परागत संसदीय प्रणालीको आफ्नो सधंै विरोध रहने बताए । ‘म परम्परागत संसदीय प्रणाली मान्दिनँ । यो व्यवस्था अलि अग्रगामी छ । अब संसदभित्रैबाट यो प्रणालीलाई अझै सुधार्ने प्रयास गर्छु,’ उनले भने, ‘मेरो उम्मेद्वारी प्रतिगमनविरुद्ध हो । प्रतिगमनको संकट अझै टरेको छैन ।’ अर्का उम्मेदवार भुवन सुनारले लोकतन्त्रको रक्षाका लागि आफू अघि बढेको बताए । ‘लोकतन्त्र रक्षा गर्नुपर्ने अहिलेको टड्कारो समस्या छ । म सांसद नहुँदा पनि उत्पीडितको पक्षमा आवाज उठाउँथे, सांसद बनेपनि पछि त्यही गर्ने हो,’ उनले सुनाए ।
कार्यक्रममा बोल्ने क्रममा नेताहरुले यही गठबन्धनलाई स्थानीय र संसदीय निर्वाचनसम्म लैजानुपर्ने बताएका छन् । आफ्ना उम्मेदवारको पक्षमा मत माग्न गठबन्धनले जिल्ला भ्रमणको तालिका नै बनाएको छ भने गठबन्धनको छुट्टै संयन्त्र तयार गरिएको छ । ‘राष्ट्रियताको रक्षा र संघीय लोकतान्त्रिक प्रणालीलाई अझ सुदृढ गर्न जनताका अपेक्षाहरुलाई पूरा गर्न र भविष्यमा पनि संविधानको रक्षा गर्न ५ दलीय गठबन्धनको निरन्तरता रहेको हाम्रो ठहर छ,’ आइतबार संयुक्त विज्ञप्ति जारी गरी प्रदेश तहका नेताहरुले भनेका छन् ।
Related News
सम्बन्धित समाचार
पुरानो पोखरा जोगाउन पहल: मेयर आचार्य
पाेखरा नयाँबजारमा श्रीमद्भागवत् ज्ञानमहायज्ञ जारी
सुदुरपश्चिममा सोडारी मुख्यमन्त्री नियुक्त
प्रेमील गजलकारको भावपूर्ण बिदाइ
लायन्स पोखरा वर्किङ टुगेदरमा जनकराज पौडेल
hero news full width
मुख्य समाचार
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१कामचलाउ मुख्यमन्त्री अधिकारी विश्वासको मत लिने तयारीमा
वैशाख ४, २०८१