Worldlink ads

एमाले कास्कीमा मनोनयन दर्ता, आज मतदान

आदर्श समाज सम्वाददाता
पौष २६, २०७८
cpn

पोखरा । नेकपा एमालेको १० औं जिल्ला अधिवेशनअन्तर्गत सोमबार मतदानको कार्यतालिका छ । सहमतिको लामो प्रयास असफल भएपछि अन्ततः मतदानमा धकेलिएको हो । एमालेको कास्की नेतृत्व हाँक्न २ जनाले मनोनयन दर्ता गराएका छन् । कार्यवाहक अध्यक्ष मनबहादुर गुरुङ र सचिव दामोदर बैरागीले उम्मेदवारी दिए । उनीहरु आफू उम्मेदवार बनेकामात्रै छैनन्, आफ्नो छुट्टाछुटै प्यानल खडा गरेका छन् ।
उपाध्यक्षमा बैरागी प्यानलमा प्रभा कोइराला र गुरुङ प्यानलबाट तेजनारायण अधिकारीले मनोनयन दर्ता गरेका छन् । यस्तै, सचिवमा गुरुङ प्यानलबाट विष्ण केसी र बैरागी प्यानलबाट बैनबहादुर अधिकारी क्षेत्री तथा सहसचिवमा २/२ जनाको उम्मेदवारी परेको छ ।
बैरागी प्यानलबाट नवराज ओझा र लेखबहादुर तामाङ (दर्शन लामा) तथा गुरुङ प्यानलबाट इमानराज पौडेल र सुनमाया भुजेलको उम्मेदवारी परेको निर्वाचन कमिटिले जनाएको छ । जिल्ला सदस्यमा मादी र रुपा गाउँपालिकाबाट सर्वसम्मत चयन भएको छ । केन्द्रमा सबै अध्यक्ष केपी ओली गुटका भए पनि प्रदेश तहमा उनीहरु विभाजित छन् । गुरुङ पृथ्वीसुब्बा गुरुङको प्यानललाई हाँकिरहेका छन् भने बैरागीले खगराज अधिकारीको समूहलाई नेतृत्व गरेका छन् ।

Related News

सम्बन्धित समाचार

    hero news full width