पोखरा । पोखरामा आयोजित मन गुरुङ एटाएर फेसन नाइटमा सुपर मोडल नीति शाह र्याम्प वाक गरेकी छन् । एसटी क्रियसन म्यानेज्मेन्ट प्रालिको आयोजनामा फेसन डिजाइनर मन गुरुङको ड्रेसमा मिस नेपाल इन्टरनेशनल २०१७ विजेता शाह र्याम्प वाक उत्रेकी हुन् । उनीसँग पोखराका चर्चित १० मोडलले र्याम्प सेयर गरे ।
लेकसाइडको कुटी रिसोर्टमा शुक्रबार करिब ३ घण्टा चलेको फेसन नाइटमा फेसन डिजाइनर गुरुङले डिजाइन गरेका विभिन्न पोशाक ३ सिक्वेन्समा प्रदर्शन गरिएको थियो । कार्यक्रम संयोजक सचिन रानाभाटका अनुसार फेशन शोमा पोशाक निकै आकर्षक र भव्य देखिन्थे । जसको कोरियोग्राफी जेनिता मगरले गरेकी थिइन् ।
कार्यक्रममा महिलाउद्यमी मिलन थापाले मन गुरुङको कला र कौशलको तारिफ गर्दै महिलाहरु पनि सबल र सक्षम छन् भन्ने उदाहरण प्रस्तुत गरेको बताइन् ।
साथी संसार पोखरामा आश्रित फरक क्षमता भएका २५ बालबालिकालाई पोशाक खाद्यान्न र औषधीको लागि १ लाख १ हजार रुपैयाँसमेत सहयोग गरेको छ । उक्त रकमको चेक संस्थाका प्रतिनिधि नारायण अधिकारीलाई हस्तान्तरण गरिएको सामाजिक अभियन्ता राम रानाभाटले बताए ।
डेन्टल विषयमा स्नातक सकेर डेन्टल हाइजिनिस्टको रुपमा कार्यरत रहेकी गुरुङले आफ्नो रुचिको विषय फेसन डिजाइन भएकोले सन् २०१७ मा आइएफसी फेसन कलेज पोखराबाट डिप्लोमा इन फेसन डिजाइनिङ कोर्स गरेकी थिइन् । ‘मेरो पहिलो तथा एकल फेसन शो हो । आफूले सिकेको सीप कलाको माध्यमबाट प्रस्तुत गर्दै फेसन डिजाइनिङ क्षेत्रमा फरक नाम लेखाउने उद्देश्यले कार्यक्रम गरिएको हो,’ उनी भन्छिन् ।
कार्यक्रमा संस्थाका प्रबन्ध निर्देशक सुरज थापा र इनिसा दुराले पनि बोलेका थिए ।
Related News
सम्बन्धित समाचार
गण्डकी बोर्डिङका शिक्षकलाई तालिम
प्यान गण्डकीको प्रथम भेला : वामदेवको अध्यक्षतामा नयाँ कार्यसमिति गठन
एनटिभिएको शुभकामना आदानप्रदान
पोखरा १३ मा निशुल्क तालिम
जलारी समुदायबारे वृत्तचित्र
hero news full width
मुख्य समाचार
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१