पोखरा । पोखरामा आयोजित गण्डकी प्रदेश छनोट क्रिकेट प्रतियोगितामा कास्कीले नवलपुरमाथि ९ विकेटको जीत निकाल्दै च्याम्पियन बनेको छ । मंगलबारको अन्तिम खेलमा पहिला व्याटिङ गरेको नवलपुरले सम्पूर्ण विकेट गुमाएर १ सय ३० रन बनाएको थियो । नवलपुरको तर्फबाट दीपक डुम्रेले ३१, रोविन तिमिल्सिनाले २३ रन जोडे । कास्कीका बलर विपीन खत्रीले ४, कृष्ण पौडेलले ३ तथा दीपेश खत्रीले २ विकेट लिए ।
जीतका लागि १ सय ३१ रनको लक्ष्य पाएको कास्कीले निर्धारित ४० ओभरमध्ये ३०.४ ओभरमा मात्रै १ विकेट गुमाएर जीत दर्ता गरेको हो । उसको लागि विधान श्रेष्ठले अभिजित ४३ तथा मुस्कान थापाले अभिजित ४० रन जोडे । यसअघि ओपनर अनिल गुरुङले ३२ रनको पारी खेलेका थिए । खेलमा ४ विकेट लिएका कास्कीका कप्तान विपीन खत्री म्यान अफ द म्याच भए ।
कुल ७ विकेटसहित ३० रन बनाएका कास्कीका कृष्ण पौडेल सर्वोत्कृष्ट खेलाडी भए । त्यस्तै प्रतियोगिताभर १ सय ४५ रन जोडेका कास्कीका अनिल गुरुङ उत्कृष्ट व्याट्स्म्यान बन्दा नवलपुरतर्फबाट ७ किवेट लिएका कमल परियार उत्कृष्ट बलर घोषित भए ।
विजयी खेलाडीलाई पोखरा उद्योग वाणिज्य संघका अध्यक्ष नारायण कोइराला, नेपाल क्रिकेट संघका सदस्य ऋषि गौतम, गण्डकी प्रदेश क्रिकेट संघका अध्यक्ष देवेन्सन प्रजु, कोषाध्यक्ष प्रकाश पौडेल, गण्डकी प्रदेश खेलकुद संघका सदस्य गिरमान गुरुङ, कास्की जिल्ला क्रिकेट संघका अध्यक्ष सञ्जयकान्त सिग्देल लगायतले पुरस्कार वितरण गरेका थिए ।
Related News
सम्बन्धित समाचार
पट्नेरीमा अन्तर्राष्ट्रियस्तरको क्रिकेट रंगशाला बनाउन सिफारिस
प्रतिभाले जित्यो एक्सपर्ट पोखरा कप क्रिकेटको उपाधि
पोखरा कप क्रिकेट : मदरल्यान्ड र कास्की मोर्डनाइज विजयी
पोखरा कप विद्यालयस्तरीय क्रिकेटमा सगरमाथा र अंमरसिंहको जित
मदरल्यान्ड र गण्डकी बोर्डिङ विजयी
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१