Worldlink ads

एलबीका कवितामा रमे कविता पारखी

आदर्श समाज सम्वाददाता
पौष ११, २०७८
lb Photo 1

पुस । कविताप्रेमी स्रष्टा अग्रज साहित्यकार एलबी क्षेत्रीका कवितावाचनमा कविता पारखी रमेका छन् । पुसको चिसो मौसममा पनि क्षेत्रीले मानवतावाद, नारीअस्तित्व, विद्रोह, प्रकृतिबिम्ब र प्रेमलाई विषयवस्तु बनाइएका कविता वाचन गर्दा पटक–पटक पुनः सुनाउन आह्वान गर्दै गरमागरम परिवेश सिर्जना गरेर क्षेत्रीले आफ्नो सम्बोधन टुंग्याएका थिए ।
अन्तर्राष्ट्रिय नेपाली साहित्य समाजका केन्द्रीय सल्लाहकार रहेका क्षेत्रीको उक्त सम्बोधनको चाँजोपाँजो अनेसास गण्डकी समितिले मिलाएको थियो । कार्यक्रममा साहित्यकार सरुभक्तले क्षेत्रीलाई सम्मान अर्पण गर्दै एकातर्फ आफ्ना मित्रको सम्बोधनमा साथीहरूलाई खबर गरेको र अर्कातर्फ आफैं प्रमुख अतिथि हुनु परेको विचित्रको भूमिकामा उभिन परेको बताए । उनले क्षेत्रीलाई कुशल कवि, कथाकारमात्र नभएर साहित्य संगठकका रूपमा पनि चिनाए ।
एलबी क्षेत्रीको सम्बोधन नाम दिइएको कार्यक्रमलाई सम्बोधन गर्दै क्षेत्रीले आफूलाई कवि ठान्नेहरूले कविता कुन बाटोमा हिँड्दै छ भनेर प्रश्न गर्दा पौंठेजोरी खेल्ने गरेकाप्रति दुख व्यक्त गरे । आफू पोखरामा पटक–पटक आएपछि यो रूपमा पहिलो पटक आएको बताउँदै क्षेत्रीले आफ्ना कविता रुचिकर लागे दुवै चरणका सुनिदिन र नलागे पहिलो चरणका कविता सुनेर जान सक्ने बताए पनि स्रोता अन्तिमसम्मै उनका कविता सुनेर बसेका थिए ।
समसामयिक विकृति र विसंगतिप्रति कडा व्यंग्य गरिएका झण्डै दुई दर्जन सुनाउँदै क्षेत्रीले आफूलाई कवि नभएर कविताप्रेमीमात्र भन्न आग्रह गरे । अनेसास गण्डकी अध्यक्ष दुर्गाबहादुर शाह बाबाले वाङ्मयिक अध्ययन, अनुसन्धान र साहित्यिक संगठनमा क्रियाशील क्षेत्रीका कर्म र कृतिले पृथक पहिचान स्थापित गरेको धारणा राखे ।
संक्षिप्त चिनारी राख्दै असफल गौतमले २०४४ सालदेखि २०७० सालसम्म वीरेन्द्र बहुमुखी क्याम्पस भरतपुरमा प्राध्यापनका साथै क्याम्पस प्रमुख भएर पुर्‍याएको शैक्षिक योगदान स्तुत्य रहेको बताए । अनेसास गण्डकीकी उपाध्यक्ष दुर्गा न्यौपानेले कविडाँडा साहित्य समाजका अध्यक्ष क्षेत्री प्राध्यापन तथा साहित्य लेखनमा क्रियाशील प्रतिभाका रूपमा चिनाइन् ।

Related News

सम्बन्धित समाचार

    • दीपक समीपकाे मुक्तक संग्रह ‘अक्षर अक्षरमा देश’ लोकार्पण

      आदर्श समाज सम्वाददाता माघ २, २०७८
      पोखरा । साहित्यकार दीपक समीपको मुक्तक सञ्चयन ‘अक्षर अक्षरमा देश’ शनिबार लोकार्पण गरिएको छ । पोखरेली युवा सांस्कृतिक परिवारको आयोजनामा…
    • गण्डकीका लोकसंस्कृति अनुसन्धान पहल

      आदर्श समाज सम्वाददाता पौष ३०, २०७८
      पोखरा । गण्डकी प्रज्ञा प्रतिष्ठानले प्रदेशभित्रका विभिन्न १५ समुदायका लोकनृत्य र लोकबाजाबारे खोज–अनुसन्धान कार्य अगाडि बढाएको छ । प्रतिष्ठानले थकाली, थारु,…
    • लेखनाथ जन्मस्थलमा सम्मानै सम्मान

      आदर्श समाज सम्वाददाता पौष १५, २०७८
      पोखरा । कविशिरोमणि लेखनाथ पौडेलको जन्मजयन्ती उनकै जन्मस्थल अर्घाै अर्चलेमा विशेष समारोह गरी बिहीबार मनाइएको छ । समारोहमा कवि शिरोमणि…
    • समता काव्य सन्ध्याको ३४३ औं शृंखला

      आदर्श समाज सम्वाददाता पौष ५, २०७८
      पोखरा । कविताको अघोषित पाठशालाका रूपमा परिचित पोखरेली युवा सांस्कृतिक परिवारले सञ्चालन गर्दै आएको समता काव्य सन्ध्याको ३ सय ४३…
    • ‘कसले सुधार्छ कांग्रेस’ विमोचन

      आदर्श समाज सम्वाददाता मंसिर २२, २०७८
      पोखरा । लेखक शंकर तिवारीको ‘कसले सुधार्छ कांग्रेस’ पुस्तक विमोचन गरिएको छ । नेपाली कांग्रेसको १४ औं महाधिवेशन पूर्वसन्ध्यामा मंगलबार…

    hero news full width