गण्डकीका अनलाइनलाई निशुल्क इन्टरनेट

आदर्श समाज सम्वाददाता
पौष ६, २०७८
worldlink 3

सहमतिपत्र आदानप्रदान गर्दै कमल सुवेदी र हेम गुरुङ।

पोखरा । अनलाइन पत्रकार संघ, गण्डकीमा आबद्ध अनलाइन पोर्टललाई वल्र्डलिंकले निशुल्क इन्टरनेट जडान सुविधा प्रदान गरेको छ । सो सम्बन्धमा संघका अध्यक्ष कमल सुवेदी र वल्र्ड लिंकतर्फ गण्डकीका क्षेत्रीय बजार अधिकृत हेम गुरुङबीच मंगलबार सम्झौतापत्रमा हस्ताक्षर भएको छ।

सम्झौताअनुसार संघ गण्डकीमा आबद्ध अनलाइन पोर्टललाई वल्र्ड लिंकले ५ वर्षसम्म निशुल्क इन्टरनेट सुविधा दिने र सोवापत संघले वल्र्ड लिंकको प्रचारात्मक सामग्री प्रकाशन गर्नुपर्ने छ।

कार्यक्रममा वल्र्ड लिंकका हेम गुरुङले मिडियासँग साझेदारी गर्दै आगामी कार्यक्रम तय गरिने जानकारी बताए । उनले पोखरालगायत गण्डकी प्रदेशभित्र दर्ता भएका अनलाइन पोर्टललाई वल्र्ड लिंकले निशुल्क इन्टरनेट सुविधा उपलब्ध गराउने बताए।

संघका अध्यक्ष कमल सुवेदीले पहिलो चरणमा पोखराबाट सञ्चालित ३० अनलाइन पोर्टलले सो सुविधा पाउने बताए । संघका सचिव सन्तोष बस्यालले संघले आगामी दिनमा प्रदेशका जिल्ला–जिल्लामा शाखा बिस्तार गर्दै जाने र संघमा आबद्ध अनलाइन पोर्टलको वल्र्ड लिंकको समन्वयमा सो सुविधा दिंदै जाने बताए । हाल सो सम्झौता स्पेक्स फोर्टिनको समन्वयमा गरिएको हो । स्पेक्स फोर्टिनले पोखराकेन्द्रित रहेर विज्ञापन कारोबार लगायत इभेन्ट म्यानेजमेन्ट गर्दै आएको छ।

Related News

सम्बन्धित समाचार

hero news full width