पोखरा । थकाली युवा परिवार नेपाल केन्द्रको प्रथम राष्ट्रिय भेला एवं नेतृत्व तथा व्यक्तित्व विकास प्रशिक्षण (इपिएस) पोखरामा हुने भएको छ ।
धर्म संस्कृति हाम्रो परम्परा, संरक्षण संवद्र्धन युवाहरूको अभिभारा भन्ने नाराका साथ पुस ७ देखि पुस ११ गतेसम्म पोखराको ड्यामसाइडस्थित होटल ड्रागनमा प्रथम राष्ट्रिय भेला एवं नेतृत्व तथा व्यक्तित्व विकास प्रशिक्षण (इपिएस) हुने भएको पोखरामा आयोजना भएको पत्रकार भेटघाट कार्यक्रममा जानकारी गराइएको हो ।
उक्त ५ दिने भेला एवं इपिएस कार्यक्रममा देशका १९ वटा क्षेत्रका करिब ६० जनाको सहभागिता रहने भएको थकाली युवा परिवार नेपाल केन्द्रका अध्यक्ष योगेन्द्र शेरचनले बताए ।
यस भेलाले थकाली समुदायका बीचमा एकआपसमा सम्पर्क, समन्वय एवं भाइचारा वृद्धि गराउनका साथै युवाहरूको आत्मबल वृद्धि एवं नेतृत्व र व्यक्तित्व विकासमा कार्यक्रम फलदायी हुने उनको भनाइ थियो ।
थकाली युवाहरूलाई आफ्नो धर्म, संस्कार, भेषभूषा, भाषा र परम्परा जगेर्ना गर्नतर्फ उत्प्रेरित गराउने उद्देश्यले ‘थकाली युवा अवसर, चुनौती र सम्भावना’ विषयक विषयगत बहससमेत आयोजना गरिएको शेरचनले जनाए ।
थकालीको मुल थलो थासाङबाट अन्यत्र बसाइँसराइँ गरी देशका विभिन्न १९ क्षेत्रमा र विदेशमा ३ क्षेत्रमा थकाली सेवा समिति थकाली समुदायको संगठित संस्थाको रूपमा गठन भएको केन्द्रका सचिव विकल शेरचनले जानकारी दिए । पोखरा थकाली समुदायको सुरूवाती बसाइँ सरेको स्थान भएको र हाल मुस्ताङको मौसमसमेत प्रतिकूल रहेका कारण त्यहाँ भेला आयोजना गर्न सम्भव नरहेकाले प्रथम भेला पोखरामा नै आयोजना गरिएको उनको भनाइ थियो ।
समय परिस्थितिको कारण प्रथम थकाली युवा राष्ट्रिय भेलालाई ऐतिहासिक बनाउन स्वतस्फूर्त आर्थिक संकलन गरिएको भन्दै आगामी भेलामा भने सम्बन्धित निकायसँग सल्लाह, समन्वय गरेर कार्यक्रम तय गरिने केन्द्रका कोषाध्यक्ष सञ्जीव तुलाचनले बताए ।
भेलाको उद्घाटन लुम्बिनी प्रदेश प्रमुख अमिक शेरचन आउने कार्यक्रम तय गरिएको अध्यक्ष योगेन्द्र शेरचन बताए । भेलाको मुख्य प्रायोजकमा प्रभु बैंक रहेको छ भने सहप्रायोजकमा मीनबहादुर शेरचन स्टोर्स रहेको छ ।
Related News
सम्बन्धित समाचार
प्रधानमन्त्रीसँग गोरखा नगरपालिकाले माग्यो साढे ३ अर्ब बजेट
अन्नपूर्णमा अख्तियारको अन्तरक्रिया
श्रीकृष्ण मन्दिरमा विश्व तण्डुकार, आमा समूहमा कमला गुरुङ
पोखरा विश्वविद्यालय शिक्षण अस्पतालको निरीक्षण
एमाले कास्की अध्यक्षमा बैनबहादुर विजयी
hero news full width
मुख्य समाचार
सुरु भयो एसइई, ५ लाख ४ हजार ४ सय १४ विद्यार्थी सामेल
बजेट अभावमा नगर अस्पतालको काम रोकियो
चैत्र १५, २०८०एमाले कास्कीमा को-को निर्वाचित ? (अन्तिम मतपरिणामसहित)
चैत्र १४, २०८०तनहुँ र चितवनलाई जोड्ने ठिमुरामा पक्की पुल
चैत्र १४, २०८०बाँदरसँग आजित किसानले गुहारे कानुन मन्त्री, भन्छन् : बाँदर मार्ने कानुन बनाइदेउ
चैत्र १४, २०८०एमाले कास्कीमा नयाँ नेतृत्वका लागि मतदान
चैत्र १३, २०८०