लेखनाथ । ग्लोबल आइएमई बैंकले आफ्ना ग्राहकका लागि वित्तीय साक्षरता तथा डिजिटल बैंकिङसम्बन्धी अनुशिक्षण कार्यक्रम गरैको छ ।
बैंकको बेगनास, भण्डारढिक र बुढिबजार शाखाको संयुक्त आयोजनाका सोमबार तालचोकमा भएको अनुशिक्षणमा सहभागीलाई मोबाइल बैंकिङ, इन्टरनेट बैंकिङ, मिसकल बैंकिङ, संस्थागत बैकिङ कारोबारका बारेमा जानकारी गराइएको हो ।
कार्यक्रममा बैंकका गण्डकी प्रदेशका प्रमुख महेश सिलवालले बैंकका विषयमा जानकारी गराएका थिए भने डिजिटल बैंकिङ विषयमा केन्द्रीय कार्यालयका प्रकाश पौडेल र राहुल भुजुले जानकारी गराएका थिए ।
बैंकले आफ्नो ग्लोबल एप्सबारे जानकारी दिनुका साथै डिजिटल कारोबार गर्दा के–के कुरामा ध्यान दिनुपर्ने हो, के–के सुरक्षित राख्नु पर्दछ भनेर जानकारी गराएको थियो । मोबाइल बैंकिङ गर्दा कारोबार गर्ने ट्रान्जेसन कोड र खाता सुरक्षित राख्न आग्रह गरिएको बैंकका लेखनाथ शाखाका प्रमुख एवं कार्यक्रम संयोजक भुवन वाग्लेले जानकारी दिए । बैंकका देशभरी २ सय ८७ शाखा कार्यालयहरु छन् । यस्तै, २ सय ६३ शाखारहित बैंकिङ एजेन्ट, २ सय ५२ एटिएम साथै युके, भारत र अस्ट्रेलियामा समेत सेवा प्रदान गर्दै आएको छ ।