‘कसले सुधार्छ कांग्रेस’ विमोचन

आदर्श समाज सम्वाददाता
मंसिर २२, २०७८

पोखरा । लेखक शंकर तिवारीको ‘कसले सुधार्छ कांग्रेस’ पुस्तक विमोचन गरिएको छ ।
नेपाली कांग्रेसको १४ औं महाधिवेशन पूर्वसन्ध्यामा मंगलबार काठमाडौंमा आयोजित समारोहमा पुस्तक विमोचन गर्दै कांग्रेसका युवा नेता गगनकुमार थापाले कांग्रेस कसले सुधार्छ भन्दा पनि सुध्रिएन भने के हुन्छ भन्ने प्रश्नचिह्न खडा भएको बताए । उनले आगामी निर्वाचनमा कांग्रेस क्रियाशील सदस्यता र कांग्रेसलाई यसअघि भोट हालेका बाहेक १५ लाख व्यक्तिलाई कांग्रेससँग जोड्ने गरी संगठन बिस्तारमा लाग्नुपर्नेमा जोड दिए । पार्टी स्थापनाको समयमा कांग्रेसमा स्वस्फूर्त कार्यकर्ता थपिए पनि पछिल्लो समय पार्टीप्रति जनताको वितृष्णा पैदा हुँदै गएको उनको भनाइ थियो । नेता थापाले यो महाधिवेशनपछि कांग्रेसको सदस्यता कहिल्यै नलिएको, सदस्य कहिल्यै नभएको १५ लाख नयाँ मान्छेलाई नेपाली कांग्रेससँग जोड्नुपर्ने बताए ।
कार्यक्रममा पार्टीका केन्द्रीय सदस्य बद्री पाण्डेले विधानको अक्षरस पालना, नियमित बैठक, समसाययिक विचार र वित्त व्यवस्थापन गर्ने नेतृत्वले मात्र कांग्रेस सुधार गर्न सक्ने बताए ।
राजनीतिक विश्लेषक पुरन्जन आचार्यले विचार, संगठन र नेतृत्वको सम्मिश्रणबाट पार्टी चल्नुपर्ने बताए । विचार र नीति शून्य भयो भने पार्टी बिग्रिने उनको भनाइ थियो । कार्यक्रममा कांग्रेस लुम्बिनीका नवनिर्वाचित सहमहामन्त्री नीमा गिरी, कांग्रेस बर्दियाका पूर्वसभापति सञ्जय गौतम, नेविसंघका महामन्त्री युवराज पाण्डेयलगायतले पार्टीको क्रियाशील सदस्यता वितरणमा जिल्ला सभापतिलाई अधिकार नदिंदा अहिलेको अवस्था आएको बताए ।

सम्बन्धित समाचार

हेमराज पहारी स्मृति पुरस्कारबाट सरुभक्त पुरस्कृत

आदर्श समाज सम्वाददाता वैशाख ७, २०८१

पोखरा । साहित्यकार सरुभक्तलाई ‘सातौं हेमराज पहारी स्मृति पुरस्कार–२०८०’ प्रदान गरिएको छ । हेमराज पहारी स्मृति प्रतिष्ठान पोखराद्वारा शुक्रबार आयोजित…
प्रेमील गजलकारको भावपूर्ण बिदाइ

आदर्श समाज सम्वाददाता वैशाख ५, २०८१

पोखरा। ‘साँझमा दीयो बालिराख्यौ को आउँदै छ आज ? हातका औँला चालिराख्यौ को आउँदै आज ? हिजो अस्ति उक्किएका घरका…
मिस नेपालको पोखरा अडिसन आज

आदर्श समाज सम्वाददाता वैशाख ३, २०८१

पोखरा । मिस नेपालको पोखरा अडिसन मंगलबारदेखि सुरु हुने भएको छ । द हिडन ट्रेजरले हरेक वर्ष आयोजना गर्दै आएको…
वेद विद्याश्रममा छन्दोबद्ध कविता प्रतियोगिता

आदर्श समाज सम्वाददाता चैत्र ३०, २०८०

पोखरा । पोखरा चिसाखोला वेद विद्याश्रमले रजत महोत्सव सन्दर्भमा प्रदेशव्यापी खुला छन्दोबद्ध कविता प्रतियोगिता भएको छ । प्रतियोगितामा संगम बस्याल…
मदरल्याण्डका शाश्वत निबन्धमा प्रथम

आदर्श समाज सम्वाददाता चैत्र १९, २०८०

पोखरा । को–अपरेटिभ प्रेसिडेन्ट सोसाइटी (कोप्स सेन्टर) आयोजनामा भएको निबन्ध प्रतियोगितामा मदरल्याण्ड माविका छात्र शाश्वत रेग्मी प्रथम भएका छन् ।…